Baıqońyr ǵarysh aılaǵynda Reseı elimen birlesip ekologııalyq departament qurý máselesi qarastyrylýda. Bul týraly málimdeme jasaǵan Qorshaǵan ortany qorǵaý mınıstri Nurlan Qapparovtyń deregine súıenip, Gazeta.kz habarlady.
«Baıqońyr ǵarysh aılaǵy aýmaǵynda Qazaqstannyń ekologııalyq kodeksi júrmeıdi. Sol sebepti birlesken ekologııalyq departament qurý isi kún tártibinde tur. Ol úshin Qazaqstan men Reseı eli arasyndaǵy tıisti kelisimge ózgerister engizýimiz shart», -dedi N. Qapparov ǵarysh máselesine baılanysty Baıqońyr qalasynda ótkizilgen komıssııa otyrysynda.
Osy aıtylǵannyń bári «Protonǵa» qatysty kóterilgen daýdan týyndap otyr. Al munyń aldynda Reseı eliniń mamandary buqaralyq aqparat quraly betinde geptıldiń ýly zat ekenin joqqa shyǵarmap edi. Sondyqtan Baıqońyr ǵarysh aılaǵyna qatysty sonyń ishinde qorshaǵan ortany saqtandyrý jónindegi naqty jumys endi qolǵa alynatyn syńaıly...
Danııar Túımebaı.
