«Biz Densaýlyq saqtaý mınıstrliginiń tapsyrmasy boıynsha pnevmonııa jáne JRVI-diń aýyr túrimen stasıonarǵa keletin naýqastardyń barlyǵyn koronavırýs ınfeksııasyna tekseretin bolamyz. Ázirge ókpe qabynýynyń belgileri bar 49 adam tekseristen ótti. Sonyń ishinde pnevmonııasy bar bir naýqasta qaýipti indet anyqtaldy. Keshe tekserilgen, pnevmonııamen aýyratyn 13 balanyń beseýinde indet anyqtalmady. Qalǵandary zerttelip jatyr», – dedi A. Moldaǵasymova.
Búginde indeti taralǵan elderden keletin adamdardyń arasynda koronavırýstyq ınfeksııany anyqtaý jumystary jalǵasýda.
Aıta ketý kerek, qaýipti indetke tekseriletinderdiń qatary keńeıedi. Ásirese, bul sanatqa bronh-ókpe aýrýynyń belgileri bar ári esepte turǵan 60 jastan asqan adamdar kiredi. Budan ózge aldyńǵy shepte qyzmet etip júrgen medqyzmetkerler de tekserýden ótedi.
Brıfıngti qorytyndylaǵan qalanyń Bas sanıtarlyq dáriger adamdarda jótel men dene qyzýynyń kóterilý sııaqty belgiler paıda bolǵan jaǵdaıda, jedel járdem shaqyrýǵa keńes berdi.
