Osyǵan oraı, Shymkent qalasynyń kireberisterine 18 blok-beket qoıylǵan. Onda medısınalyq qyzmetkerler men quzyrly organ ókilderi ákimshilik qyzmetkerleri aýysymmen táýlik boıy qyzmet atqaryp jatyr. Kólik júrgizýshileri men onyń salonyndaǵy jolaýshy mindetti túrde tirkeýge alynyp, medısısnalyq qurylǵymen tekserilip ótkiziledi.
Blok-beketterdi qamtamasyz etý úshin 3 kezekte, 18 jedel medısınalyq járdem brıgadasy, bastapqy medısınalyq sanıtarlyq kómek uıymdarynan 45 orta medısınalyq qyzmetker (feldsherler, medbıkeler) jumyldyryldy. Blok-beketterdegi medısınalyq pýnktter 52 baılanyssyz termometrlermen, 71 obaǵa qarsy kostıým jıyntyǵymen jabdyqtalǵan.
Eske sala ketsek, keshe qala ákimi Murat Áıtenov Shymkenttegi birqatar beketterdi aralap, olardyń jumysymen tanysqan bolatyn. Sapar barysynda Murat Dúısenbekuly birinshi kezekte barlyq beketterde «Jasyl dáliz» uıymdastyrýdy tapsyrdy. Ol jerden tirshilikti qamtamasyz etetin kólikter azyq-túlik tasymaldaýshy mashınalar men tranzıttik júk kólikteri basqa da arnaıy tehnıkalar kedergisiz ótedi.
Shymkent
