«Elimizde koronavırýs juqtyrǵan 28 medısına qyzmetkeri anyqtaldy. Qazir ár jaǵdaı boıynsha epıdemıologııalyq tekserý júrgizilip, onyń sebepteri anyqtalýda», dedi Eljan Birtanov.
Mınıstrdiń aıtýynsha jumysta bolmaǵan dárigerler de vırýs juqtyrǵan. Olar jeke topqa bólinip, tıisti em qabyldaýda.
«Vırýs tabylǵan jumys oryndarynda sanıtarlyq-epıdemıologııalyq tekserý júrgiziledi. Medısınalyq nemese basqa da eńbek ujymdary karantınge jiberiledi. Árıne, naýqastar emdelip jatqan ǵımarattarda qaýip basym. Sondyqtan ondaǵy medısınalyq qyzmetkerlerge erekshe kóńil bólemiz», dedi E. Birtanov.
