Qarjy • 03 Sáýir, 2020

Ulttyq bank bazalyq mólsherlemeni 9,5%-ǵa deıin tómendetýge sheshim qabyldady

22 retkórsetildi

Ulttyq Bank bazalyq mólsherlemeniń jyldyq deńgeıin 9,5%-ǵa deıin tómendetýdi jáne paıyzdyq dálizdi +/- 2 paıyzdyq tarmaqqa deıin keńeıtý týraly kezekten tys sheshim qabyldady. Bul týraly qarjy ınstıtýtynyń baspasóz qyzmeti habarlady

Tıisinshe, ótimdilikti berý boıynsha turaqty qoljetimdi operasııalar mólsherlemesi 11,5%, ótimdilikti alý boıynsha turaqty qoljetimdi operasııalar 7,5% boldy. Osy sheshim 6 sáýirden bastap kúshine enedi. Munaı baǵasynyń eki ese quldyraýy, OPEC+ kelisimine qatysty budan bylaıǵy perspektıvalardyń belgisizdigi jáne COVID-19 koronavırýsynyń pandemııasy aıasynda 2020 jylǵy naýryzda qabyldaǵan Ulttyq Banktiń bazalyq mólsherlemeni 12,0%-ǵa deıin arttyrý jáne teńgeniń aıyrbastaý baǵamyn tepe-teń deńgeıde qalyptastyrý týraly sheshimderi ınflıasııalyq kútýlerdi turaqtandyrýǵa jáne syrtqy kútpegen ózgerister yqpalynyń qarjy naryǵyna taralýyn shekteýge baǵyttaldy.

Syrtqy kútpegen ózgerister yqpalynyń teris saldaryn jeńildetý úshin Prezıdent Q. Toqaev eldiń áleýmettik-ekonomıkalyq turaqtylyǵyn qamtamasyz etý boıynsha 4,4 trln teńge kóleminde daǵdarysqa qarsy sharalardyń 2 toptamasyna bastama jasady. Osy bastamalardy iske asyrý úshin Úkimet bıýdjet saıasatynyń negizgi parametrlerin qaıta qarap, daǵdarysqa qarsy sharalardy qarjylandyrýǵa qomaqty shyǵystar kózdedi. Osyǵan baılanysty Ulttyq Bank bazalyq mólsherlemeni aǵymdaǵy deńgeıde budan ári uzaq ustap turý ekonomıkalyq belsendilikke shekteý áserin kórsetýi múmkin dep sanaıdy. Soǵan qaramastan, COVID-19 koronavırýsy pandemııasynyń keńeıýine negizdelgen syrtqy sektor tarapynan suranys pen usynystyń bir ýaqyttaǵy kútpegen ózgeristeri jáne munaı baǵasynyń kóp jylǵy mınımýmǵa deıin kúrt tómendeýi, sondaı-aq ishki usynystyń shektelýi ınflıasııa deńgeıin arttyrýǵa alyp keldi. 2020 jylǵy naýryzdyń qorytyndysy boıynsha ınflıasııa jyldyq kórsetýde belgilengen 4-6% nysanaly dálizden asyp, 6,4% boldy. Aǵymdaǵy jyldyń qorytyndysy boıynsha jyldyq ınflıasııa 2021 jyly keıinnen báseńdeı otyryp, 9-11% sheginde qalyptasady dep kútilýde.

Ulttyq Banktiń baǵalaýy qazirgi jaǵdaılar saqtalǵan kezde aǵymdaǵy jyly ekonomıkalyq ósý teris bolatynyn kórsetip otyr. Bul sheshim Ulttyq Banktiń qarjylyq turaqtylyqty qamtamasyz etýge, otandyq ekonomıka úshin táýekelderdi shekteýge jáne ony syrtqy jáne ishki ortanyń ózgergen jaǵdaılaryna beıimdeýge baǵyttalǵan birqatar sharalarynyń biri. «Qarapaıym zattar ekonomıkasy» baǵdarlamasyn 1 trln teńgege deıin keńeıtýdi jáne 600 mlrd teńge somasyna shaǵyn jáne orta kásipkerlik sýbektilerin jeńildikpen kredıtteý baǵdarlamasyn qabyldaýdy qosa alǵanda, Ulttyq Banktiń basqa sharalarymen birge bazalyq mólsherlemeni tómendetýi koronavırýs saldarynyń Qazaqstan ekonomıkasyna áserin jeńildetýge múmkindik beredi jáne ekonomıkalyq belsendilikke qoldaý kórsetedi. Ulttyq Bank syrtqy jáne ishki jaǵdaıǵa úzdiksiz monıtorıng júrgizip otyrady jáne qajet bolǵan jaǵdaıda óziniń monetarlyq saıasatyn ıkemdep túzetip otyrady. Ulttyq Banktiń qarjylyq turaqtylyqty qamtamasyz etýge arnalǵan barlyq qajetti múmkindikteri men quraldary bar jáne álemdik ekonomıkadaǵy ahýal aıtarlyqtaı nasharlaǵan jaǵdaıda tıimdi sheshimder qabyldaýǵa daıyn.  Ulttyq Banktń bazalyq mólsherleme boıynsha kezekti josparly sheshimi 27 sáýirde Nur-Sultan qalasynyń ýaqyty boıynsha saǵat 15:00-de jarııalanatyn bolady.

Sońǵy jańalyqtar

Kooperatıv kópke kerek

Aımaqtar • Búgin, 10:39

Nur-Sultanda eki jańa kópir ashylady

Aımaqtar • Búgin, 09:57

Joldybaıdaǵy jol jóndelmeı tur

Aımaqtar • Búgin, 09:49

Pavlodarda kásiporyndar shyǵyny ótelgen

Aımaqtar • Búgin, 09:42

Zerendi qus fabrıkasy jetilip keledi

Aımaqtar • Búgin, 09:35

Petropavldyq eriktiler qylmyspen kúresedi

Aımaqtar • Búgin, 09:28

Saparbaev ákimderge sógis jarııalady

Aımaqtar • Búgin, 09:25

Gadjetti jıi súrtken de zııan

Tehnologııa • Búgin, 07:48

Taıaý Shyǵys taǵy da dúrlikti

Álem • Búgin, 07:36

La Lıga 8 maýsymda bastalady

Fýtbol • Búgin, 07:33

Abaı álemin beınelegen arýlar

Abaı • Búgin, 07:22

Munaıshylar áýletiniń tuńǵyshy

Tanym • Búgin, 07:16

Elektrondy qujat kúshine enetin kezeń

Tehnologııa • Búgin, 07:10

Kúngeı men kóleńke

Rýhanııat • Búgin, 07:05

Pákistanda ushaq qulady

Álem • Búgin, 07:05

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Eń tabysty tennısshi

Tennıs • Búgin, 06:35

Qazaqtyń kúmis kómeı ánshileri

Rýhanııat • Keshe

Uqsas jańalyqtar