Oblys ákimi birqatar nysandy aralap, eldegi tótenshe jaǵdaıǵa qatysty talaptar men saqtyq sharalarynyń qatań saqtalýyn tekserdi. Jelilik saıabaqty kórip, qalalyq Arbatty qaıta qalpyna keltirý jumystarymen tanysty. Sonymen qatar, «Kúltóbe qalashyǵy» arheologııalyq saıabaǵynda boldy. 11 gektar jerde ornalasqan jelilik saıabaqta attraksıondar, salt-dástúrimizdi dáripteıtin sáýlet óneriniń týyndylary ornalasqan. Qaladaǵy Bekzat Sattarhanov kóshesiniń boıyndaǵy saıabaqta jumys kestesine sáıkes sýǵarý, drenajdyq júıelerdi júrgizý, sýburqaqtar ornatý, sándik sý aıdyny jáne kóshetter otyrǵyzý jumystary júrgizilýde. Ashyq aspan astynda ornalasqan aýqymdy baqta ashyq basseın, sýsyz fontan salynýda.
Al, qalanyń rýhanı-mádenı ortalyǵynda ornalasqan ǵylymı-ámbebap kitaphanasynda syrtqy árleý jumystary júrgizilýde. Oblys basshysy Aqtóbe óńiriniń tartýy retinde salynyp jatqan drama teatrdyń qurylysyn aralady. Atalǵan nysan Túrkistan men Aqtóbe oblystarynyń birigip qarjylandyrýymen júzege asýda. Tórt qabattan turatyn ǵımarattyń jalpy kólemi – 9700 sharshy metr, onda 510 adamǵa arnalǵan kórermen zaly, arnaıy avtoturaq orny bolady.
О́mirzaq Shókeev sondaı-aq Iаsaýı kesenesiniń aınalasynda júrip jatqan jumys barysyn baqylady. Qasıetti keseneniń aınalasyn kógaldandyrý, abattandyrý jumystary aıasynda landshaftyq dızaınǵa erekshe nazar bólingen.
