Qazirgi tańda indettiń taralmaýy úshin qoǵamdyq oryndarda, dúkender men mekemelerde dezınfeksııalyq jumystardyń júrýi, sanıtarlyq normalardyń saqtalýy óte ózekti. Sol sebepti, óńirdiń erikti jastary Ahýal ortalyǵynyń bastamasymen qoǵamdyq oryndarda tazalyq saqtaý, dezınfeksııa jasaý nusqaýlyǵy jazylǵan 1000 dana jadynama taratty.
Mundaǵy maqsat – adam kóp shoǵyrlanatyn oryndarda tazalyq jumystaryn jıi júrgizýdi uıymdastyrý, menshik ıelerine indettiń qaýpi joǵary ekenin túsindirý. Bir rettik qana dezınfeksııa jasatýmen shektelip, kirer esikterdi dákemen orap qoıý sekildi antısanıtarııalyq jumystardy atqarý azdyq etetinin aıtý. Saqtyq sharalaryn jıi jasaý arqyly indettiń taralýyna tosqaýyl qoıý qajettigin uǵyndyrý. Aqparat quraldary arqyly da aıtylyp, jazylyp júrgen talaptardy turǵyndardyń esine qaıta salý, ıaǵnı jadyn jańǵyrtý. Ahýal ortalyǵynyń bul baǵyttaǵy túsindirme jumystary jalǵasýda.
