Aımaqtar • 03 Sáýir, 2020

Pavlodarda 12 myń jańa jumys ornyn ashyp, 20 ókpeni jasandy jeldetý apparatyn satyp alý josparlanýda

104 retkórsetildi

Oblystyq máslıhattyń kezekti sessııasynda óńirlik bıýdjetti naqtylaý júrgizildi. Jumys otyrysyna Pavlodar oblysynyń ákimi Ábilqaıyr Sqaqov qatysty.

Sýretti túsirgen Valerıı Býgaev

Ekonomıka jáne bıýdjettik josparlaý basqarmasynyń basshysy Maqsat Turlybaevtyń aıtýynsha, Pavlodar oblysynda «Jumyspen qamtýdyń jol kartasy» baǵdarlamasyn iske asyrý úshin 43,2 mıllıard teńge qarastyrylǵan.

 

- Baǵdarlamany júzege asyrý áleýmettik sala, turǵyn úı-kommýnaldyq sharýashylyǵy, ınjenerlik-kólik ınfraqurylymy obektilerin qaıta qurý jáne jóndeý, sondaı - aq eldi mekenderdi abattandyrý esebinen jańa jumys oryndaryn qurýdy kózdeıdi, - dep málimdedi baıandamashy. - Oblysta barlyǵy 12 myńǵa jýyq jańa jumys ornyn ashý josparlanýda.

 

Qosymsha 700 mıllıon teńgeden astam qarajatty koronavırýs aýrýymen aýyratyndar anyqtalǵan jaǵdaıǵa onkologııalyq dıspanser men ortalyq aýdandyq aýrýhanalar úshin medısınalyq jabdyqtar satyp alýǵa baǵyttaý sheshildi. О́ńir qajettiligi úshin birden 20 ókpeni jasandy jeldetý apparaty men 10 tósek janyndaǵy monıtorlar satyp alý josparlanýda.

 

- Qazirgi jaǵdaıda bul koronavırýs ınfeksııasy anyqtalǵan jaǵdaıda jumys isteý úshin eń qajetti jabdyqtar, - dep málimdedi Pavlodar oblysynyń ákimi Ábilqaıyr Sqaqov. - Búginde óńirde 128  ókpeni jasandy jeldetý apparaty bar, qosymsha qajettilik – 56 apparat. Biz 20 ókpeni jasandy jeldetý apparatyna qarjy salýdamyz. Taǵy 8 apparat jalpy sıpattaǵy transfertter esebinen satyp alynatyn bolady.

 

Sonymen qatar, «Nurly jer» baǵdarlamasy aıasynda Pavlodar oblysynda kredıttik turǵyn úı salý úshin 6 mıllıard teńge bólindi. Bul qarajatqa Pavlodardyń «Dostyq» jáne «Saryarqa» shaǵyn aýdandarynda 16 turǵyn úı salynyp, 500-den astam páter paıdalanýǵa berilmek.

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar