Aımaqtar • 03 Sáýir, 2020

Tarazdyqtar Halyq Qaharmanyn eske aldy

36 retkórsetildi

Búgin Halyq Qaharmany Ǵazız Baıtasov tiri bolǵanda 49 jasqa tolar edi. Ol 2011 jyldyń 12 qarashasynda Taraz qalasynda oryn alǵan terrorlyq áreket saldarynan qaza tapty. Oǵan syn sátte kórsetken erligi úshin Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń Jarlyǵymen Halyq Qaharmany ataǵy berilgen bolatyn.

Qaskóıdi quryqtaý kezinde qaza tapqan azamattyń erligi árdaıym el esinde. Batyrdyń týǵan kúnine oraı búgin Taraz qalasy polısııa basqarmasynyń saptyq alańynda elimizdiń Memlekettik týy kóterilip, Memlekettik Gımni oryndalyp, eske alý is-sharasy ótti. Atalǵan sharaǵa Taraz qalasy polısııa basqarmasynyń jeke quramy men jas mamandary qatysty. Jıyn barysynda Taraz qalasy polısııa basqarmasy bastyǵynyń orynbasary S.Seksenbaev baıandama jasap, Ǵazız Baıtasovtyń erligi jóninde jáne oqıǵa oryn alǵan kún týrasynda áńgimeledi. «Halyq Qaharmany, polısııa kapıtany Ǵazız Baıtasov qaýipsizdikti saqtaý isinde óziniń naǵyz otansúıgishtigin dáleldegen polıseı jáne lańkes beıbit adamdarǵa oq jaýdyra bastaǵanda, oılanbastan olardy qutqarý úshin ózin qurban etken azamat. Onyń erligi men qyzmetine degen adaldyǵy keıingi jastarǵa umytylmas ónege bolary anyq», dedi ol. Sonymen qatar, áriptesteri batyrdy eske alyp, bir mınýttyq únsizdik jarııalady. Jambyl oblystyq polısııa departamentiniń aldyna ornatylǵan polısııa kapıtany Ǵazız Baıtasovtyń bıýstine jáne qaza tapqan jerine gúl shoqtary qoıyldy.

 

Jambyl oblysy

 

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar