Prezıdent • 03 Sáýir, 2020

Memleket basshysy Izraıl Prezıdenti Reýven Rıvlınmen telefon arqyly sóılesti

41 retkórsetildi

Izraıl tarapynyń bastamasymen Memleket basshysy Qasym-Jomart Toqaev Izraıl memleketiniń Prezıdenti Reýven Rıvlınmen telefon arqyly sóılesti. Bul týraly Aqordanyń baspasóz qyzmeti habarlady.

Áńgimelesý barysynda Izraıl saıasatkeri koronavırýs indetiniń taralýyna qarsy kúreste Qazaqstan halqy men Úkimetine qoldaý kórsetetinin aıtty.

Onyń aıtýynsha, Izraıl Qazaqstan Prezıdentiniń COVID-19 vırýsynyń odan ári taralýyna jol bermeý, shaǵyn jáne orta bıznesti qoldaý, sondaı-aq, halyq aldyndaǵy áleýmettik mindettemelerdi oryndaý jónindegi naqty is-qımyldary men sheshimderin muqııat baqylap otyr. Reýven Rıvlınniń pikirinshe, Qazaqstan daǵdarysqa qarsy barlyq sharalardy der kezinde qabyldady jáne onyń bári pandemııa jaǵdaıynda eldiń qaýipsizdigin qamtamasyz etýge baǵyttalǵan.

Izraıl Prezıdenti qazirgi ýaqytta búkil álem mıllıondaǵan adamnyń jappaı indet juqtyrýyn boldyrmaý úshin qatań qadamdarǵa baryp, tipti, oqshaýlaýǵa jáne tótenshe jaǵdaı jarııalaýǵa májbúr bolyp otyrǵanyn aıtty.

Qasym-Jomart Toqaev koronavırýs indetiniń Ekinshi Dúnıejúzilik soǵystan keıingi adamzatqa tóngen asa qaýipti qater ekenin atap ótti.

- Búginde búkil álem pandemııamen onyń saldaryna tıisti jaýap berý maqsatynda kúsh biriktirip, jumylýy qajet. Osyǵan oraı Qazaqstan atalǵan qaterge qarsy turý úshin óńirlik jáne halyqaralyq deńgeıdegi yntymaqtastyqty jalǵastyrýǵa nıetti, - dedi Memleket basshysy.

Reýven Rıvlın ekijaqty qarym-qatynastardy talqylaı otyryp, Qazaqstanmen saıası, ekonomıkalyq jáne mádenı-gýmanıtarlyq yntymaqtastyqty odan ári nyǵaıtýǵa qyzyǵýshylyq bildirdi. Osyǵan baılanysty ol Qazaqstan Prezıdentin 2020 jyly kúzde Izraılge sapar jasaýǵa shaqyrdy.

Qazaqstan Prezıdenti shaqyrýdy iltıpatpen qabyl aldy jáne jahandyq pandemııanyń saldaryn joıǵannan keıin Izraılmen aradaǵy ekijaqty baılanystardyń damý qarqyny tolyq qalpyna keletinine senim bildirdi.

 

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar