Búgin oblysymyzda úshinshi adamnyń koronavırýs ınfeksııasyn juqtyrǵanyn habarlaǵan edik. Oblystyq Densaýlyq saqtaý basqarmasy osydan bir-eki saǵat buryn óskemendik taǵy bir turǵyn osy indetke shaldyqqanyn jetkizdi. Basqarma basshysy Ilııas Muhamedjannyń aıtýynsha, 30 naýryz kúni stasıonarǵa túsken 1938 jylǵy er adamǵa «pnevmonııa» dıagnozy qoıylǵan eken. «Bekitilgen algorımge sáıkes odan koronavırýsqa synama alyndy. Synama oń nátıje kórsetken. Qazirgi ýaqytta naýqastyń jaǵdaıy ortasha. Pasıent buǵan deıin koronavırýs juqtyrǵan óskemendiktiń týysy emes. Zeınetkermen baılanysta bolǵan 55 adam anyqtalyp otyr. Sonyń ishindegi 12 adamnyń synamasy teris nátıje kórsetse, qalǵan 43 adamnyń synamasynyń nátıjesi áli shyqqan joq» deıdi I.Muhamedjan.
О́SKEMEN
