Aımaqtar • 03 Sáýir, 2020

Petropavlǵa baǵyt alǵan kólikter legi kúrt tómendedi

18 retkórsetildi

Qyzyljar qalasynda búgin úshinshi táýlik boıy karantın. Qazir qalada júrgen adam sany barynsha sırek. Tek áne jer-mine jerde ǵana bir adamdy kórip qalasyń. Jurttyń bári karantınniń talabyn oryndap, beısaýat júrgeni úshin tólenetin aıyppuldan saqtanyp, úılerine tyǵylǵan sııaqty.  Kólik sany da Keńes odaǵy jyldary sııaqty, keptelis túgili, 10-15 mınótte bir máshıne ǵana ótedi.  

Shekteý sharalary, odan keıingi karantınengizilgen sátten elimizdiń Soltústik qaqpasy aýmaǵyna qaraı aǵylǵan avtokólikterdiń legi de kúrt azaıdy. 1 sáýirden bastap oblys ortalyǵyna kirýdi shekteıtin 6 blokbeket arqyly 838 avtokólik pen kólikte bolǵan 1132 ǵana adam ótken. Burynǵy kezdermen salystyrǵanda bul 2-3 ese azaıǵan degen sóz. Naqty aıtsaq, 2 sáýirde ótken jyldyń sáıkes merzimimen salystyrǵanda avtokólik aǵyny 281 avtomashınaǵa jáne ondaǵy adamdardyń sany 362-ge deıin azaıǵan. Kelgenderdiń deni tek qalada jumys isteıtin adamdar ǵana. Qala irgesinde «Qyzyljar aýdanynyń ortalyǵy bolyp sanalatyn «Beskól» atty iri aýyl bar, sonyń turǵyndarynyń kóbi qalada jumys isteıdi. Qazir Qyzyljarǵa negizinen tek solar ǵana enip jatyr. «Blokbeketter jumysynyń maqsaty – koronavırýs pandemııasy jaǵdaıynda adamdardyń júrip-turýyn barynsha azaıtý», - deıdi oblystyq PD Jergilikti polısııa qyzmeti basqarmasy bastyǵynyń orynbasary,polısııa maıory Aleksandr Rozbah. «Qazirgi ýaqytta qalada jumys isteıtin adamdarǵa shaharǵa ený úshin jumys orny bergen anyqtama ǵana negiz bola alady. Qyzyljar aýdanynyń ákimdigi Petropavlda jumys isteıtin adamdardyń tizimin daıyndady, ol boıynsha jumysshylardy ótkizý júzege asyrylady. Medısınalyq mekemenińanyqtamasy bolǵan jaǵdaıda, emdelýge muqtajadamdar oblys ortalyǵyna kirip-shyǵa alady. Jeke kásipkerler saýda oryndaryna taýar satyp alýúshin qalaǵa kirýine bolady. Sonymen qatar, azyq-túlik pen ózge de tutyný taýarlaryntasymaldaıtyn avtokólikterdiń ótýine ruqsatetilgen. Túngi ýaqytta tranzıttik júk kóligi, sondaı-aq halyqqa qajetti aýylsharýashylyq jánebasqa da taýarlary bar júk kóliginen basqalarǵaqalaǵa kirýge tyıym salynady», deıdi ol.

Soltústik Qazaqstan oblysy

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar