Ekonomıka • 03 Sáýir, 2020

Halyqaralyq daýlardy sheshýde onlaın júıe qoldanylady

23 retkórsetildi

AHQO Soty men Halyqaralyq tórelik ortalyǵy koronavırýstyń pandemııasyna baılanysty onlaın qyzmetke ıek artady. Eki organ daýlardy sheshý qyzmetterine kedergisiz qol jetkizý jáne paıdalanýshylar men qyzmetkerlerdiń densaýlyǵy men qaýipsizdigin saqtaý úshin kerekti sharalar qabyldady.

Úkimettiń qaýlysyna sáıkes, daýlardy sheshýdiń barlyq onlaın-qyzmetin aqysyz usynbaq. AHQO Soty men HTO-ǵa shaǵymdardy eki organnyń resmı saıttarynda siltemeleri bar eJustice elektrondyq ádilet júıesi arqyly onlaın rejıminde berýge bolady. Daýlardy aýdıo jáne vıdeo tehnologııasyn qoldana otyryp, elektrondy qujat almasý arqyly sheshiledi. Daý taraptary sot tóreligine qol jetkizý úshin úılerinen nemese keńselerinen shyǵýdyń qajeti joq. Búgingi tańda HTO medıasııa erejelerin qoldana otyryp 57 medıasııa prosesi júzege asyryldy. HTO sonymen qatar eki arbıtrajdyq shaǵymdy qarastyrýda. AHQO Soty óz kezeginde bir isti qarastyrdy.

Sot tóreligin onlaın rejıminde qamtamasyz etý úshin qabyldanǵan sharalardan bólek, jaqyn arada AHQO Sot jáne HTO-nyń onlaın vebınarlary ske qosylmaq. Olar zań jáne bıznes qaýymdastyqtarǵa AHQO Soty men HTO jumysy týraly jáne quqyqtyq taqyryptardy talqylaý, sondaı-aq COVID-19 koronavırýsyna qatysty máseleler maqsatynda jarııalanady.

AHQO Soty men HTO kommersııalyq daýlardy «bir tereze» negizinde sheshýge arnalǵan barlyq qyzmet túrlerin usynady. Eki organ da Qazaqstan Respýblıkasynyń sot júıesinen táýelsiz jáne AHQO-daǵy azamattyq jáne kommersııalyq daýlardy, sondaı-aq taraptar AHQO Soty men HTO-nyń ıýrısdıksııasyn qoldanýǵa kelisim bergen daýlardy sheshýdiń joǵary halyqaralyq standarttaryna sáıkes jumys isteıdi. AHQO Soty jáne HTO-nyń sýdıalary, arbıtrlary, deldaldar, prosedýralar, praktıka jáne standarttar álemniń iri qarjy ortalyqtarynda jumys isteıtin kompanııalarǵa tanymal.

Krıstofer Kempbell-Holt, AHQO Soty jáne HTO tirkeýshisi jáne apparat basshysy:

«Biz COVID-19 koronavırýsymen baılanysty jaǵdaıdyń damýyn muqııat qadaǵalaımyz jáne AHQO Soty men HTO júıesiniń tıimdi jumys isteýin qamtamasyz etý úshin barlyq qajetti sharalardy qoldanamyz. Qazirgi ýaqytta AHQO Soty men HTO barlyq shaǵymdar men sot otyrystaryn, taraptardyń úılerinen shyǵyp, densaýlyǵyna qaýip tóndirmesten, onlaın rejıminde júzege asyraıdy. Investorlar men kásipkerler ózderiniń daýlary AHQO Soty men HTO-da onlaın rejıminde, zańdylyqtyń joǵary standarttaryn qoldana otyryp, únemdi jáne ýaqtyly sheshiletinine senimdi bola alady».         

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar