Jetisaı aýdanynyń 1956 jyly týǵan turǵyny 4 sáýirde qaıtys boldy. Bul aýdanda indet juqtyrǵandar sany 11-ge jetti, sondaı-aq, Maqtaaral aýdanynda – 4, Kentaý qalasynda - 2, Arys - 1, Ordabasy aýdanynda - 1, Saıram aýdanynda - 2 jáne Saryaǵash aýdanynda 1 adam tirkelgen.
Oblys ákimi О́mirzaq Shókeev Tótenshe jaǵdaı rejımin qamtamasyz etý jónindegi oblystyq komıssııa otyrysynda Túrkistan oblysy boıynsha aýdan-qala aýmaǵynda 3 sáýir men 17 sáýir aralyǵynda shekteý engiziletinin málimdedi.
Turǵyndar úıden tek qana azyq-túlik, dári-dármek alýǵa nemese jumysqa barý úshin shyǵýy kerek. Oblysaralyq, aýdanaralyq, qalaaralyq jolaýshylar tasymaly toqtatyldy. Sondaı-aq, júk tasymalynan basqa temirjol baılanysy men avtovokzaldar men avtobeketter jumysy da toqtaıdy. Qoǵamdyq kólikter tańǵy 6.00 men 20.00 aralyǵynda júredi.
Oblys aýmaǵynda «betperdelik rejım» engiziledi. Azyq-túlik bazarlary kún saıyn dezınfeksııalanady, jumys rejımi 10.00 men 17.00 aralyǵyn qurasa, azyq-túlik dúkenderi men dárihanalar 9.00-20.00 aralyǵynda jumys isteıdi. Kópshilik tamaqtanatyn oryndar kelýshilerdi qabyldamaı, tek úıge tapsyrys qabyldaý arqyly saǵat 8.00 men 20.00 aralyǵynda jumys isteıdi. Janar-jaǵarmaı quıý beketteri, ekinshi deńgeıli bank, jeke notarıýster 10.00 men 16.00 aralyǵynda qyzmet kórsetse, sán salony, sheberhana, kólik jóndeý oryndary saǵat 10.00-18.00 jumys rejımine kóshedi. Budan bólek, trotýarlardy, joldardy jáne olarǵa irgeles aıaldama keshenderin, jol qıylystaryn, syrtqy elementterdi jáne saýda alańdary kestege sáıkes dezınfeksııalanady.
Túrkistan oblysy
