Oblystyq qoǵamdyq densaýlyq basqarmasy basshysynyń mindetin atqarýshy Saltanat Jamalova qaıtys bolǵan naýqas 29 naýryzda aýdandyq aýrýhanaǵa pnevmonııa, tynys alý qıyndyǵy belgilerimen jatqyzylǵanyn, qosalqy dıabetpen aýyratyny anyqtalǵanyn málimdedi. «Barlyq synamalar alynyp, emdik sharalary júrgizilgen. О́kinishke qaraı, naýqastyń jaǵdaıy nasharlap, búgin tańerteń kóz jumdy. Naýqas 15 naýryzda Almatydan kelgenin jasyrǵan», dedi S.Jamalova. Al oblystyq Taýarlar jáne qyzmetterdiń sapasy men qaýipsizdigin baqylaý departamentiniń basshysy Nurbek Nyshanovtyń aıtýynsha, qaıtys bolǵan azamat bir aı Almaty oblysynyń Qarasaı aýdanynda qonaqta bolǵan. «Naýryzdyń 15-ne kelgen onyń densaýlyǵy on kúnnen soń, ıaǵnı 26 naýryzda nasharlaı bastaǵan. Aýrýhanaǵa 29 naýryzda jatqyzylǵan. Onymen jaqyn qarym-qatynasta bolǵan 25 adam jáne yqtımal baılanysta bolǵan 40 adam anyqtalǵan. Olardyń barlyǵy oqshaýlanǵan», dedi N.Nyshanov.
Jalpy oblysta 4 sáýir tańerteńgi málimet boıynsha indet juqtyrǵandar sany óńirde 23-ke jetti. Naqtyraq aıtsaq, Jetisaı aýdanynda 11 adam indet juqtyrǵan, sondaı-aq Maqtaaral aýdanynda – 4, Kentaý qalasynda -2, Arys -1, Ordabasy aýdanynda -1, Saıram -2 jáne Saryaǵash aýdanynda 1 adam tirkelgen. «Naýqastardyń barlyǵy Nur-Sultan jáne Almatydan kelgen azamattarmen qarym-qatynasta bolǵandar. Vırýs juqtyrǵandar qazirgi ýaqytta oqshaýlanyp, em qabyldaýda. Al baılanysta bolǵan 380 adam, ıaǵnı 210 jaqyn qarym-qatynasta jáne yqtımal qatynasta bolǵan 170 adam jiti tekserýlerden ótkizilýde. Barlyq jaǵdaı qatań baqylaýǵa alynǵan», dedi oblystyq Qoǵamdyq densaýlyq basqarmasy basshysynyń mindetin atqarýshy Saltanat Jamalova.
Túrkistan oblysy
