Aımaqtar • 04 Sáýir, 2020

BQO: 108 myń oqýshy qashyqtan oqıdy

25 retkórsetildi

Batys Qazaqstan oblysy mektepterindegi 14 myńnan astam muǵalimniń 98,9%-y kompıýterlik qurylǵy, smartfonmen qamtylǵan. Qashyqtan oqytý josparlanyp otyrǵan IV toqsan qarsańynda 601 muǵalimge ýaqytsha paıdalanýǵa kompıýter berildi.

Batys Qazaqstan oblystyq Bilim basqarmasy basshysy Aıymgúl Tirjanova óńirdegi 390 mektepte 108 myńnan astam oqýshy bar ekenin, oqý jylynyń qorytyndy, tórtinshi toqsanyn qashyqtan oqytýǵa daıyndyq pysyqtalǵanyn habarlady.

- Oqýshylar úshin qashyqtan oqytý túrli formatta júrgiziledi. Birinshi «Elarna», «Balapan» telearnalarynda jáne «Qazaq radıosy» tolqynynda sabaqtar beriledi. Osy sabaqtardy kórip, tyńdap bolǵan soń muǵalim túsindirilgen jańa taqyryptar boıynsha oqýshylarmen keri baılanys ornatady. Keri baılanys elektrondyq jýrnal bolǵan jaǵdaıda ǵana ornatylady. Elektrondyq jýrnal bolmaǵan jaǵdaıda muǵalimder ózderiniń ýaqytsha jýrnalynda oqýshylardyń oqý úlgerimin belgilep otyrady, - deıdi Aıymgúl Tirjanova.

Elimizde «Bilim Media Group», «Kúndelik», «Mektep onlaın», «Daryn onlaın» ınternet platformalary muǵalimder men oqýshylarǵa tegin qyzmet usynyp otyr. Munda ár pán boıynsha birneshe myńnan astam beınesabaq ornalastyrylǵan. Osy resýrstardy paıdalanyp, muǵalim oqýshylarǵa tıisti tapsyrma berip, oqýshymen keri baılanys jasaıdy jáne sabaqtyń qalaı ótkenin qorytyndylap otyrady.

«Sonymen qatar uıaly baılanys múmkindigin paıdalanyp ýatsap, telegramm basqa da chattar, elektrondyq poshtalar arqyly oqytý uıymdastyrylady» deıdi basqarma basshysy.

Qashyqtan oqytýǵa kóshýge baılanysty bilim uıymdarynyń balansynda turǵan kompıýterler pedagogter men muqtaj ata-analarǵa ýaqytsha paıdalaný úshin berilse, únemdelgen qarjydan kompıýter, noýtbýk, planshet satyp alý da kózdelgen.

- Barlyq aýdandyq jáne Oral qalalyq bilim bólimderiniń málimeti boıynsha oblystaǵy oqýshylardyń 91,5%-ynda kompıýterlik qurylǵy, smartfon bar. Olardyń 86,9%-y ınternetke shyǵa alady. Al 9288 oqýshynyń kompıýteri joq edi, qazirgi tańda olardyń 2554-ine mektepterdegi kompıýter ýaqytsha paıdalanýǵa berildi, - deıdi Aıymgúl Tirjanova.

О́ńir halqynyń teń jarymy turatyn Oral qalasynda 50342 oqýshy bar. Bulardyń ishinde az qamtylǵan jáne kópbalaly otbasynyń balalaryna mektep tarapynan 779 kompıýter, 116 noýtbýk berilgen. Sonymen qatar demeýshiler arqyly keıbir otbasylarǵa ınternet ótkizilip, 7 smartfon, 9 kompıýter, 7 teledıdar, 21 planshet, 34 modem, 4 fleshka, 2 roýter alyndy. Oral qalasynda 244 oqýshynyń ınternet jelisine qosylýy úshin qarajylaı qoldaý kórsetilgen.

- Elimizde tótenshe jaǵdaıǵa baılanysty oqytýdyń jańa túri engizilip otyr. Sondyqtan muǵalimniń jumysy kóbeıdi. Bul kezeńde oqýshylar men ata-analar da óz úlesin qosýy qajet. Osy úshtik birlese jumys istese ǵana qashyqtyqtan oqytý nátıjeli bolady, - deıdi Batys Qazaqstan oblystyq bilim basqarmasynyń basshysy Aıymgúl Tirjanova.

 

Batys Qazaqstan

Sońǵy jańalyqtar

Nur-Sultanda eki jańa kópir ashylady

Aımaqtar • Búgin, 09:57

Joldybaıdaǵy jol jóndelmeı tur

Aımaqtar • Búgin, 09:49

Pavlodarda kásiporyndar shyǵyny ótelgen

Aımaqtar • Búgin, 09:42

Zerendi qus fabrıkasy jetilip keledi

Aımaqtar • Búgin, 09:35

Petropavldyq eriktiler qylmyspen kúresedi

Aımaqtar • Búgin, 09:28

Saparbaev ákimderge sógis jarııalady

Aımaqtar • Búgin, 09:25

Gadjetti jıi súrtken de zııan

Tehnologııa • Búgin, 07:48

Taıaý Shyǵys taǵy da dúrlikti

Álem • Búgin, 07:36

La Lıga 8 maýsymda bastalady

Fýtbol • Búgin, 07:33

Abaı álemin beınelegen arýlar

Abaı • Búgin, 07:22

Munaıshylar áýletiniń tuńǵyshy

Tanym • Búgin, 07:16

Elektrondy qujat kúshine enetin kezeń

Tehnologııa • Búgin, 07:10

Kúngeı men kóleńke

Rýhanııat • Búgin, 07:05

Pákistanda ushaq qulady

Álem • Búgin, 07:05

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Eń tabysty tennısshi

Tennıs • Búgin, 06:35

Qazaqtyń kúmis kómeı ánshileri

Rýhanııat • Keshe

Uqsas jańalyqtar