Qoǵam • 04 Sáýir, 2020

Ult bolyp uıysýdy oılaıyq - Máýlen Áshimbaev

716 retkórsetildi

Qazir búkil əlemmen birge bizdiń elimiz de syn-saǵatyn bastan ótkerýde. Bul tyǵyryqtan shyǵý úshin Memleket basshysy aýqymdy sharalar qabyldaǵanyn bilesizder. Olar negizinen indetpen kúresýge jəne halyq pen bıznesti qoldaýǵa arnalyp otyr. Soǵan səıkes ortalyqta jəne óńirlerde tıisti jumystar qolǵa alyndy. Aldaǵy ýaqytta onyń bəri oń nətıje beretinine eshqandaı kúmən joq.

Sondyqtan bizge dál qazir sabyr saqtaý kerek. Biz budan da qıyn kezeńderde saǵy synbaǵan halyqpyz. О́tken ǵasyrdyń ózinde alapat ashtyq pen dúnıe júzin sharpyǵan sum soǵystan aman óttik. Sonyń bərin atalarymyz yntymaq pen tózimniń arqasynda eńserdi. Qandaı qıyn-qystaý kez bolsa da birligimiz ben berekemizge esh syzat túsirgen joq. Qaıta súringenge súıeý, qulaǵanǵa demeý bolyp, judyryqtaı jumyla bildi.

Qazir de dəl solaı birigýimiz qajet. Búginmen ǵana emes, bolashaqty oılap ómir súreıik. Memleket eshkimdi ash-jalańash qaldyrmaıdy. Prezıdentimizdiń tapsyrmasymen muqtaj azamattardyń bərine kómek kórsetiledi. Tek shydamdylyq tanytqan jón. Qashanda joqqa sabyr, barǵa qanaǵat etken halyq edik qoı. Sol qundylyqtarymyzdy joǵaltpaıyq. Osyndaı syndarly sətte jaǵa jyrtyspaı, baıbalam salmaı, qaıta ult bolyp uıysýdy, ortaq iske jumylýdy oılaıyq. Təýelsizdiktiń, eldiktiń qadir-qasıetine mən bereıik.

Qoldaý sharalaryn júzege asyrý kezinde tehnıkalyq aqaýlardyń bolǵany ras. Myqty degen júıeniń ózi bir mezette myńdaǵan adam qosylǵan kezde syr beredi. Aldaǵy ýaqytta ondaı olqylyqtardyń qaıtalanbaýy úshin jańa resýrstar iske qosylyp jatyr. Sondyqtan, qaıtalap aıtamyn, eshkim qoldaýsyz qalmaıdy.

Eń bastysy, bul daǵdarystyń ýaqytsha ekenin umytpaıyq. Odan aman-esen ótemiz. Oǵan eshkimniń kúməni bolmaýy kerek. Usaqtalmaıyq. Myna qıyndyqty uıysýǵa berilgen múmkindik dep qabyldap, birligimizdi, iriligimizdi tanytaıyq. Tərbıelep otyrǵan ul-qyzymyzǵa solaı úlgi kórseteıik. Birtutas ult bolyp qalyptasýdyń qamyn oılap, eldigimizdi nyǵaıtýǵa basa mən bereıik.

Osy daǵdarystan keıin keıbir basymdyqtardyń ózgeretini túsinikti. Tipti búkil əlem damýdyń jańa kezeńine qadam basady desek te artyq emes. Sol sátte bizge osaldyq tanytýǵa bolmaıdy. Osyndaı kezde əlsiz tustarymyz da kórinip jatyr. Solardy jetildirýimiz kerek. Sonyń bərin eskerip, Memleket basshysy medısına, bilim berý, sıfrlandyrý salalaryn damytý úshin naqty mindetter júktep otyr. Iаǵnı, daǵdarystan keıin osy baǵyttardy jandandyrýǵa basymdyq beriledi. Ekonomıkany ərtaraptandyrýǵa erekshe kóńil bólinedi. Prezıdent budan basqa da naqty jumystardy qolǵa alýdy tapsyrdy. Sonyń bəri óz jemisin berý úshin birligimizdi kúsheıteıik.

Halqymyz «kóppen kórgen – uly toı» deıdi. Bul synaqpen tek biz emes, búkil jahan jurty betpe bet kelip otyr. Sondyqtan eńsemizdi túsirmeıik, el ekenimizdi esten shyǵarmaıyq. Qandaı dúrbeleń bolsa da moıymaı, mort synbaı, laıyqty eńsere bileıik.

Biz – rýhy myqty halpyqpyz. Azamattarymyzdyń keshegideı ənuran shyrqap, bekem birliktiń ozyq úlgisin kórsetýi soǵan dəlel. Elimizdiń barlyq óńirinde belsendilik tanytyp júrgen volonterlerdiń de eren eńbegin eleýsiz qaldyrýǵa bolmaıdy. Aramyzda óz erkimen əskerge barǵysy keletinderdiń de qatary qalyń ekeni qýantady.

Qazirgideı qıyn shaqta bir úıdiń balasyndaı, bir qoldyń salasyndaı bolyp, Prezıdentimizdiń qasyna toptasaıyq. Sonda osy synaqtan súrinbeı ótip, kózdegen maqsattarymyzǵa qol jetkizemiz.

Elimiz aman, jurtymyz tynysh bolyp, Qazaq eli məńgi jasasyn!

#BizBirgemiz

Máýlen ÁShIMBAEV,

QR Prezıdenti Ákimshiligi Basshysynyń birinshi orynbasary 

 

Sońǵy jańalyqtar

Kooperatıv kópke kerek

Aımaqtar • Búgin, 10:39

Nur-Sultanda eki jańa kópir ashylady

Aımaqtar • Búgin, 09:57

Joldybaıdaǵy jol jóndelmeı tur

Aımaqtar • Búgin, 09:49

Pavlodarda kásiporyndar shyǵyny ótelgen

Aımaqtar • Búgin, 09:42

Zerendi qus fabrıkasy jetilip keledi

Aımaqtar • Búgin, 09:35

Petropavldyq eriktiler qylmyspen kúresedi

Aımaqtar • Búgin, 09:28

Saparbaev ákimderge sógis jarııalady

Aımaqtar • Búgin, 09:25

Gadjetti jıi súrtken de zııan

Tehnologııa • Búgin, 07:48

Taıaý Shyǵys taǵy da dúrlikti

Álem • Búgin, 07:36

La Lıga 8 maýsymda bastalady

Fýtbol • Búgin, 07:33

Abaı álemin beınelegen arýlar

Abaı • Búgin, 07:22

Munaıshylar áýletiniń tuńǵyshy

Tanym • Búgin, 07:16

Elektrondy qujat kúshine enetin kezeń

Tehnologııa • Búgin, 07:10

Kúngeı men kóleńke

Rýhanııat • Búgin, 07:05

Pákistanda ushaq qulady

Álem • Búgin, 07:05

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Eń tabysty tennısshi

Tennıs • Búgin, 06:35

Qazaqtyń kúmis kómeı ánshileri

Rýhanııat • Keshe

Uqsas jańalyqtar