Sóıtip, Konkong, Lıanlıan jáne Chenchen esimdi úsh robot eki jyldan keıin Aspanasty elinde ótetin dúbirli dodanyń boıtumary bolyp bekitildi. Olardyń barlyǵy da IýNESKO-nyń Dúnıejúzilik murasy sanatyna engen. Al jarystyń ózine keletin bolsaq, bul básekeler 2022 jyldyń 10-25 qyrkúıek aralyǵynda ótedi.
Esterińizge sala keteıik, buǵan deıingi jazǵy Azııa oıyndary osydan eki jyl buryn Indonezııanyń Jakarta men Palembang qalalarynda ótti. Oǵan 45 memleketten kelgen 11 644 óren qatysyp, sporttyń 42 túri boıynsha 465 júlde jıyntyǵyn sarapqa saldy. Jaly komandalyq esepte 289 (132 altyn+92 kúmis+65 qola) júlde alǵan Qytaı quramasy jeke-dara kósh bastady. Ekinshi jáne úshinshi oryndarda – Japonııa (74+56+74) men Ońtústik Koreıa (49+58+70). Aıtýly dodada Qazaqstannyń sportshylary sátsiz óner kórsetip, toǵyzynshy orynqa qalyp qoıǵan edi. Jerlesterimiz 79 (15+17+44) júldeni enshiledi.
