40 jastaǵy Ispanııanyń Terrassa qalasynyń týmasy 17 jyl boıy «Barselonanyń» jeıdesin kıip, katolonııalyq klýbpen birge kóptegen bıik elesterdi baǵyndyrdy. Ol tórt ret álemniń eń úzdik pleımeıkeri bolyp tanyldy. 2000-2014 jyldar aralyǵynda Ispanııa quramasy sapynda óner kórsetip, 133 ret jasyl alańǵa shyqty. 13 goldyń avtory atandy. Álem jáne Eýropanyń eki dúrkin chempıony, Sıdneı Olımpıadasynyń kúmis júldegeri, Konfederasııa kýbogynyń eki dúrkin júldegeri degen ataqtary bar. «Eýro-2008» dodasynyń eń úzdik oıynshysyna tıesili mártebeli syılyqty ıelendi. San márte álem jáne Eýropanyń shartty quramasyna endi. 2010 jáne 2011 jyldary álemniń eń úzdik fýtbolshylar tiziminde úshinshi orynǵa taban tiredi.
Havı bul kúnderi Katardyń «Ál-Sadd» jattyqtyrýda. Kúni keshe aıtýly azamat pen onyń jubaıy Nýrııa Kýnılleranyń koronavırýske qarsy kúreske 1 mıllıon evro jumsaǵany belgili boldy. Bul qarajat Barselonadaǵy aýrýhanalardyń esepshotyna tústi.
