Qoǵam • 05 Sáýir, 2020

CDC: Qazaqstanda vırýstyń taralýy baıaý

2824 retkórsetildi

AQSh koronavırýspen kúres barysynda Ortalyq Azııaǵa qandaı kómek kórsetedi? О́ńir elderiniń qaterli dertke ázirlikteri qalaı? Osy jáne ózgede suraqtarǵa AQSh-tyń Aýrýdy baqylaý jáne taratpaý ortalyǵynyń (CDC) Ortalyq Azııa boıynsha ofısiniń dırektory Danıel Sınger men USAID-tiń Ortalyq Azııadaǵy densaýlyq saqtaý jáne bilim ofısiniń dırektory Djoshýa Karns onlaın brıfıng barysynda jaýap berdi.

Doktor D.Sıngerdiń aıtýynsha, AQSh tarapy koronavırýs byltyr jeltoqsanda Qytaıda alǵash tirkelgennen beri Ortalyq Azııa elderimen tize qosyp jumys istep keledi.

«Qazaqstandaǵy jedel qyzmet ortalyǵyna qoldaý kórsetip kelemiz. Aldaǵy ýaqytta aımaqtaǵy basqa elderde de osyndaı mekeme ashý josparda bar. Qazaqstandaǵy jedel qyzmet ortalyǵy – koronavırýsqa qarsy búkil árekettiń habyna aınaldy. Onyń dırektory jáne taǵy bir qyzmetkeri CDC-tiń qoǵamdyq densaýlyqty jedel basqarý baǵdarlamasy boıynsha tálim aldy» dedi D.Sınger.

Doktordyń sózine súıensek, keıingi birneshe jylda CDC tarapynan taǵylymdamadan ótken epıdemıologtar búgingi tańda koronavırýsqa qarsy kúrestiń basy-qasynda júr. Osy oraıda, Qazaqstannyń Densaýlyq saqtaý mınıstrligi uıymnan eldegi koronavırýsqa qarsy árekettiń deńgeıin baǵalaýǵa usynys bildirgen eken. Soǵan sáıkes, CDC arnaıy zertteý júrgizip, ony mınıstrlik pen tıisti vedomstvolarǵa tapsyrǵan eken. «Egemen Qazaqstan» gazetiniń tilshisi atalǵan zertteý týraly keńirek aıtyp berýdi suraǵan.

«Mınıstrlik tarapy buǵan deıin bizden epıdemıologııa boıynsha taǵylymdamadan ótkender birlesip, Qazaqstandaǵy polıklınıkalar men juqpaly aýrýlar aýrýhanalarǵa saraptama júrgizýdi surady. Eki-úsh apta ishinde atalǵan densaýlyq saqtaý mekemelerine baryp, ondaǵy ınfeksııamen kúreste qoldanylatyn qural-jabdyqtardy tekserip, atqarylatyn jumyspen tanysyp qaıttyq» dedi ol.

D.Sıngerdiń aıtýynsha, bul saraptama Qazaqstannan koronavırýs anyqtalǵanǵa deıin jasalǵan. Qazirgi tańda ortalyq Covid-19 vırýsyna qarsy turý maqsatynda mınıstrlikpen birlesip jumys isteýin jalǵastyra bermek.

«CDC koronavırýspen kúresý úshin Ortalyq Azııa elderine 5 mıllıon dollar bóldi. Men qosymsha qarajat qarastyrýdy suradym. Shtabtyń jaýabyn kútip otyrmyz. Árıne, AQSh-taǵy jaǵdaı bizdi de alańdatady. Alaıda mundaǵy jumysqa da erekshe kóńil bólemiz» dedi ol.

Sondaı-aq Aýrýdy baqylaý jáne taratpaý ortalyǵynyń (CDC) Ortalyq Azııa boıynsha ofısiniń dırektory elimizde koronavırýsqa qarsy áreketke, Densaýlyq saqtaý mınıstrligi men vedomstvo basshysy Eljan Birtanovtyń jumysyna joǵary baǵa berdi.

«Qazirgi tańda Qazaqstanda vırýstyń tarap kele jatqanyna kýá bolyp otyrmyz. Áıtse de, onyń qarqyny baıaý. Basa mán beretin bir faktor – eki eselený ýaqyty. Iаǵnı, anyqtalǵan keısterdiń eki esege ósýine deıin ketetin ýaqyt. О́tken aptada bul merzim eki kúnnen tórt kúnge deıin uzardy. Bul – óte jaqsy kórsetkish. Kópshiliktiń jınalýyna, syrtqa shyǵýǵa tyıym salý osyndaı nátıje kórsetip otyr. Árıne, indettiń taralýyna naqty baǵa berý barysynda basqa da máselelerge qaraımyz. Aldaǵy ýaqytta baqylaýdy jalǵastyra bermekpiz. Biraq dál qazir vırýstyń taralýy baıaý dep aıta alamyn» deıdi D.Sınger.

Budan keıin sóz alǵan USAID-tiń Ortalyq Azııadaǵy densaýlyq saqtaý jáne bilim ofısiniń dırektory Djoshýa Karns ta Qazaqstannyń Densaýlyq saqtaý mınıstrliginiń koronavırýspen kúresýdegi áreketin qoldaıtynyn jetkizdi.

«Ortalyq Azııa elderiniń densaýlyq saqtaý mınıstrlikteriniń indetpen kúreske baryn salǵanyna yrza boldym. Poshtama, ýatsapqa saǵat saıyn kún-tún demeı habarlama kelip túsip jatty. Osyndaı talantty, alǵyr jandarmen birge jumys isteıtinime óte qýanyshtymyn» deıdi D.Kerns.

Ofıs dırektorynyń sózine qaraǵanda AQSh Úkimeti, USAID jáne CDC koronavırýspen kúresýde basty alty baǵyt ustanǵan. Birinshisi, Covid-19 vırýsyn anyqtaý úshin álem elderindegi zerthanalar aýqymyn keńeıtý. Sondaı-aq naýqaspen qatynasta bolǵan adamdardyń bárin anyqtaý jumysyn kúsheıtý.

Úshinshisi, vırýspen betpe-bet keletin qyzmetkerlerdiń qaýipsizdigin qamtamasyz etý. Sondyqtan aýrýhanalarda jumys isteıtin dárigerlerdiń vırýs juqtyrmaýyna jaǵdaı jasaýdy kózdeıdi.

D.Kernstiń aıtýynsha, uıym Ortalyq Azııada koronavırýs juqtyrǵan adamdarǵa da qolaıly jaǵdaı jasap, tez jazylyp shyǵýyna erekshe mán berilmek. Budan bólek, uıym feık aqparat pen jalǵan jańalyqpen kúresýge de erekshe kóńil bólmek. Sońǵy baǵyt – shekaradan ótetin adamdardy tekserip, vırýs juqtyryp-juqtyrmaǵanyn anyqtaýǵa basymdyq beriledi.

«Covid-19 sekildi vırýs shekaraǵa qaramaıdy. AQSh-ty vırýstan qorǵasaq, Ortalyq Azııany da qorǵaımyz. Ortalyq Azııany aman alyp qalsaq, AQSh-ty da saqtap qalamyz» dedi D.Kerns.

Onlaın brıfıng sońynda Ortalyq Azııa memleketteriniń jýrnalısteri spıkerlerge suraq qoıyp, tushymdy jaýap aldy.

 

 

 

 

 

 

 

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar