Aımaqtar • 05 Sáýir, 2020

Mańǵystaý: qashyqtan oqytýǵa barlyq múmkindikter jasalýda

43 retkórsetildi

Qashyqtan oqytý kezinde onlaın oqytý qoldanylmaıdy. Qazirgi tańda Mańǵystaý oblysynda qashyqtan oqytýǵa barlyq múmkindik qarastyrylýda jáne onlaın sabaqtardy júrgizýge daıyndyq júrgizilýde. Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysy ákiminiń orynbasary Qanybek Jumashev aıtty.

Mańǵystaý oblysyndaǵy  149 068 (99%) oqýshyda elektrondy qurylǵy, 150 771 oqýshynyń (99,9%) úı jaǵdaıynda ınternetke qosylý múmkindigi bar. Internet jelisin tartý, kúsheıtý maqsatynda tıisti jumystar júrgizilip jatyr. Provaıderler ınternet jyldamdyǵyn kúsheıtý, ınternet jyldamdyǵy álsiz eldi mekenderge optıkalyq-talshyqty jelini qosý jumystary jalǵasýda. Oblys mektepterindegi 9190 kompıýterdiń 1123-i muǵalimderge ýaqytsha qoldanýǵa berilip, 12534 muǵalim elektrondy qurylǵymen qamtamasyz etildi. Búginde 1427 oqýshyǵa mektep kompıýteri taratyldy. Sonymen qatar túsindirý jumystarynan keıin 3228 ata-ana balalaryna elektrondy qurylǵy satyp alyp berdi. Qaraqııa aýdanyndaǵy Aqqudyq mektebi shtattyq rejımde jumysyn jalǵastyrady. Mektep aýdan ortalyǵynan 300 km qashyqtyqta jáne oblys ortalyǵynan 350 km qashyqtyqta ornalasqan. Mektepte 23 oqýshy, 14 muǵalim bar.

Sonymen qatar ınternet jelisi mektepte bar (4 mbıt/s), aýylǵa tartylmaǵan. Ylǵaldy tazalyq jumystary, zalalsyzdandyrý, jeldetý, dezınfeksııalyq jumystar talapqa saı kúndelikti júrgiziledi. Al 30 naýryzdan bastap turǵyndardyń paıdalanbaıtyn elektrondy qurylǵylaryn oqýshylarǵa syıǵa tartý maqsatynda «Qashyqtyqtan oqytýdy qoldaımyz!» aksııasy bastaý aldy. 91 balaǵa demeýshiler esebinen elektrondy qurylǵy (planshetter, smartfondar, roýterler, teledıdarlar, t.b.) jáne 3 teledıdar syıǵa berildi. Respýblıkalyq qashyqtan oqytý kýrsyna 35 pedagog qatysty. Muǵalimderdiń eń jıi paıdalanatyn platformalary mektep.edu.kz, Daryn.online, Bilimland.kz. Sondaı-aq mektep oqýshylary telesabaqty «El arna» men «Balapan» telearnalarynan tyńdaıtyn bolady. Al jazbasha túrde tapsyrmalar men jattyǵýlardy «Whatsapp», «Telegram» t.s.s. jelileri arqyly muǵalimdermen habarlasyp oryndaıdy. «Mektep.edu» onlaın-kúndeligi arqyly oqýshylar men ustazdar arasynda baılanys ornatylady.

Bul rette oblys ákiminiń orynbasary Q.Jumashev ata-analardy teledıdardy ýaqytyly qosyp, vıdeo-sabaqty kórý úshin balalaryna barynsha jaǵdaı jasaýǵa shaqyrdy.

-Oryndalatyn sabaqtyń barlyǵy oqýshylardyń bilim standartynan qalyp qoımaý úshin jáne materıaldy tolyq ıgerý úshin mańyzdy, biraq bul sabaqtyń qorytyndysy boıynsha oqýshylarǵa baǵa qoıylmaıdy. Bul – mınıstrliktiń sheshimi, deıdi Q.Jumashev.

Mańǵystaý oblysynda qashyqtyqtan sabaq ótkizý úshin joǵaryda atalǵan ádisterdi paıdalanýǵa muǵalimder men oqýshylarǵa barlyq múmkindikter jasalǵan. О́ńirde ınternet jelisin kúsheıtý maqsatynda Qyzan, Aqshymyraý aýyldarynda ınternet aýqymyn keńeıtetin qosymsha qondyrǵylar ornatyldy. Jańaózen qalasy men Beıneý aýdanynda «Transtelekom», «Qazaqtelekom» kompanııalary men «Altel», «Kar-tel» kompanııalarynyń birigýi nátıjesinde bul aımaqtarda ınternetke qosylý jyldamdyǵy arta tústi. Mańǵystaý aýdany, Beki aýylynyń oqýshylaryna tapsyrmany «Qazposhta» qyzmetkerleri jetkizip otyrady. Keıin oqýshylar da muǵalimderine tapsyrmalardy osy qyzmet túrimen jiberedi. Al Aqqudyq mektebindegi sabaq oqýshylar men ustazdar sanynyń azdyǵy eskerile otyryp (muǵalim – 14, oqýshy - 23), dástúrli tártipte júrgizile bermekshi. Sáıkesinshe, mektepte tıisti dezınfeksııalyq, tazalaý, jeldetý sharalary ýaqytyly ótedi.

 

 

Mańǵystaý oblysy

 

 

 

 

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar