Qoǵam • 05 Sáýir, 2020

Esik nege «tesik»?

533 retkórsetildi

Álemdi bir ýys qylyp búristirip,  dánniń qaýyzyna syıǵyzǵandaı syǵa qoıǵan juqpaly koronavırýs indetiniń aýqymy aýadaı jaıylyp barady. Álemniń dáriger, ózge de ǵalymdary shuqshııa zerttep, bas qatyrǵanmen, ázirge aýyzdyqtata qoımaǵan aýrý bizdiń elimizde de óz ylańyn salyp álek. Barlyq elderdegi syndy indetten qorǵaný úshin saqtyq sharalaryn kúsheıtý jumystary qarqyndy qolǵa alyndy.

Mańǵystaý óńirinde qazirgi tańda 3 naýqas tirkeldi. Alǵashqysy Ystambýl qalasynan Aqtaý halyqaralyq áýejaıyna kelip qonyp, Oral qalasyna jol tartpaq bolǵan batysqazaqstandyq jolaýshy jigit bolsa, qalǵan ekeýi Qyzylordadan jumys babymen Aqtaýǵa kelgen erli-zaıyptylar. Alǵashqy qonaqtyń eshkimmen aralaspaǵany anyqtaldy, al Aqtaýǵa naýryz aıynyń 12-sinde kelgen qyzylordalyq qonaqtardyń bir aıǵa jýyq ýaqyt ishinde qansha adammen aralasyp, qansha adammen qol alysqanyn eshkim bilmes. Anyqtalǵany – qaralǵan dárigeri, toqtatqan taksıiniń júrgizýshisi syndy olarmen naqty baılanysta bolǵan tulǵalardyń oqshaýlanǵany.

Erli-zaıyptylardan ınfeksııa anyqtalǵan kúni túnde saqtyq sharasy negizinde olar ýaqytsha meken etken Aqtaý qalasynyń 11 shaǵyn aýdanyndaǵy № 10  úı tutas karantınge jabylǵan bolatyn. Artynsha áleýmettik jelilerde atalǵan úıdiń kireberisiniń esigin dánekerlep tastapty degen aqparat tarap,  «tereze» salynǵan esiktiń sýreti sharlap ketti.

– Áleýmettik jelilerde bir sýretke negizdelgen jalǵan aqparat taraýda. Adamdar bir-birine «podezdiń esigin qulyptap, jaýyp tastaǵan, tek sańylaý qaldyrǵan» dep sýret jiberip, osyǵan qarap pikir bildirýde. Karantın rejıminiń talabyna sáıkes, naýqas anyqtalǵan podezd turǵyndary oqshaýlanýy kerek. Táýlik boıy polısııa qyzmetkerleri turady, kúndiz ákimdik qyzmetkerleri turǵyndardyń suranysyna oraı azyq-túlik pen kerek-jaraqtaryn ýaqytyly jetkizip turady. Barlyǵynyń uıaly telefon nomerleri jazýly. Árqaısymen baılanysyp turamyz. Sondyqtan esiktiń ashyq ekenin jetkizemiz jáne túnde ǵana syrtynan jabylady. Sańylaý ne úshin jasaldy? Túnde ystyq tamaq pen basqa da zattardy aparýshylarǵa yńǵaıly bolý úshin jáne turǵyndar qoqystaryn shyǵarý úshin jasaldy, –degen túsinik berdi Aqtaý qalasy ákiminiń baspasóz qyzmeti máselege oraı.

Sondaı-aq  qala ákiminiń baspasóz qyzmeti KVI juqtyrǵan erli-zaıyptylar turatyn úı tolyǵymen dezınfeksııalanǵanyn habarlady. Úıdiń aınalasynda 500 metr araqashyqtyqqa deıin ornalasqan jol, oıyn alańy, sporttyq alańdar, tipti terekterge deıin zalalsyzdandyrylyp,  úıdiń barlyq podezin 1-qabattan bastap arnaıy mamandar tazalaǵan. Sondaı-aq podezd turǵyndaryna sanıtarlyq mamandar barlyq erejelerdi túsindirgen. Qala ákimdiginiń baspasóz qyzmeti turǵyndarǵa jaǵdaıǵa túsinistikpen qarap, jalǵan aqparatqa senbeýge shaqyrdy. Qazir oqshaýlanǵan podezdiń turǵyndary árbir jazbany oqyp otyr, olarǵa  ári oqshaýlaný, ári ártúrli jeldeı esken sózderdi oqyp-bilý ońaı emes, sondyqtan olarǵa psıhologııalyq turǵydan qoldaý kórsetý qajet ekendigi aıtyldy.

Soynmen, esik – tesik, biraq dáneker – beker.

Demek, «Saqtansań – saqtaımyn» degendeı, saqtanýdyń kemi joq...

 

Mańǵystaý oblysy

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar