Aımaqtar • 05 Sáýir, 2020

Karantın: Mańǵystaýda mal azyǵy máselesi týyndap tur

279 retkórsetildi

Koronavırýs ınfeksııasyna baılanysty qabyldanǵan saqtyq sharalary negizinde aldymen Mańǵystaý oblysynda birqatar shekteý sharasy engizildi. Odan soń kóp uzamaı karantın engizilip, endi 6 sáýirden bastap kúsheıtilmek. Oǵan álemdegi, elimizdegi jáne óńirimizdegi atalǵan ınfeksııanyń taralý aýqymy sebep.

Halyqqa shekteý qoıylǵan qyzmetter tizbesi men jol qatynasy qozǵalysy týraly málimetter usynylyp aldyn ala habarlandy. Menshik nysanyna qaraı ár saýda núktesiniń, qyzmet kórset ortalyqtarynyń jáne túrli keńse-ǵımarattardyń jumysy retteldi. Adamdarǵa qajetti azyq-túlik dúkenderi men dárihanalar jumysyna ruqsat etildi.

Biraq, qala irgesindegi aýyl turǵyndary úshin qoldaryndaǵy azyn-aýlaq maldary men qustarynyń azyǵyn taýyp berý kúrdeli máselege aınalyp shyǵa keldi. Túpqaraǵan aýdanyna qarasty Aqshuqyr, Saıyn aýyldarynda jem-shóp satatyn barlyq saýda oryndary karantınge jabylǵandyqtan turǵyndar tyǵyryqqa tirelip otyr. Olar arnaıy malshysy óriske shyǵaratyndaı otar qoı nemese iri sharýashylyq emes – ár úıdegi bes-alty jandyq, bir-eki iri-qara jáne az-maz úırek, qaz, taýyq syndy qus túrleri. Karantın kezinde aýyl adamdarynyń tus-tustan tyraǵaılatyp qus qýyp, andyzdap óriske mal aıdap bara jatýy da oryndy emes. Onyń ústine aǵyndy sýy joq óńirde qus balasy aýlada, únemi úı mańynda bolady. Oǵan qazir qystyń qursaýynan  keshe qutylǵanmen syzy áli seıilip úlgermegen dalada mal ezýin jarytyp, qarnyn qampaıtatyn kóktiń ósip-jetile qalmaǵany taǵy bar.

- Aqshuqyr, Saıyn aýyldaryndaǵy malǵa jem satatyn saýda oryndaryn túgel japtyrǵan. Eldegi jaǵdaıdy, indetti, karantındi tolyq túsinemiz, biraq jaǵdaıdy jan-jaqty oılastyrý kerek qoı, tipti jetkizip berý máselesin jolǵa qoısa da jaqsy bolar edi. Halyq ne isteýi kerek - maldaryn dalaǵa shyǵarýǵa bolmaıdy, qorada jem joq. Aýyldyq jer úshin osy jaǵdaılar naqtylanyp qaralǵany durys. Quzyrly oryndardan kómek suraımyz, jaǵdaıdyń qıyn ekendigin túsinemiz, biraq karantınnen soń da ólmegen janǵa ómir bar, tirliginiń ózegi bolǵan mal-qustyń da jaıyn tasada qaldyrýǵa bolmaıdy, - deıdi aýyl turǵyndary.

Sonymen, Mańǵystaýda «Jem-shóbi joq, óris joq, maldar qaıtip kún kórer?» degendeı, qorasyna mal ustaǵan aǵaıyn abdyrap otyr. «Qystyń kózi qyraýda» dep mal azyǵyn artyǵymen jınap qoıatyn qys mezgili emes, jer aıaǵy keńı bastaǵan mamyrajaı shaq, aldy jaz bolǵan soń qamdanbaı qalǵan maldy jurttyń mazasyn qashyrǵan másele osy bolyp tur.

 

Mańǵystaý oblysy

                          

 

 

 

Sońǵy jańalyqtar

Covid-19: Taǵy 3 adam kóz jumdy

Koronavırýs • Keshe

Covid-19: 184 adam jazylyp shyqty

Koronavırýs • Keshe

Núkte fılosofııasy

Rýhanııat • Keshe

Qazalyda 42 joba júzege asady

Aımaqtar • Keshe

Uqsas jańalyqtar