Álem • 06 Sáýir, 2020

Túrkııada bilim alyp jatqan 400-ge jýyq qazaqstandyq stýdent elge oraldy

164 ret

kórsetildi

1 mın

oqý úshin

Qazaqstan Respýblıkasy azamattaryn shet elderden qaıtarý jónindegi is-sharalar sheńberinde 2020 jylǵy 3 sáýirde Qazaqstannyń Túrkııadaǵy Elshiliginiń atsalysýymen Túrkııanyń 35-ten astam qalasynda (Ankara, Ystanbul, Izmır, Býrsa, Konıa, Antalııa, Denızlı, Kaıserı, Kyrshehır, Sıvas,Samsýn, Erzındjan, Erzýrým, Trabzon, Gıresýn, Nııde jáne t.b.) bilim alyp jatqan 400-ge jýyq qazaqstandyq stýdentter elimizge arnaıy reıstermen qaıtaryldy. Bul týraly SIM baspasóz qyzmeti habarlady.

Egemen Qazaqstan

Túrkııada bilim alyp jatqan 400-ge jýyq qazaqstandyq stýdent elge oraldy

Belgili bolǵandaı, naýryz aıynyń basynan bastap Túrkııada koronavırýs pandemııasyna oraı qalalar arasynda baılanys úzilip, shekteýli tótenshe jaǵdaı qalyptasqan bolatyn. Osy rette, Elshilik árbir stýdenttiń saıahat ruqsaty, olardy alyp júretin kólik ruqsattary, medısınalyq tekserý sııaqty rásimderdi TR quzyretti memlekettik organdarymen tyǵyz jáne jedel sheshýge kúsh saldy.

Sonymen qatar, budan buryn Ystanbuldaǵy halyqaralyq áýejaı arqyly áýeqatynastarǵa shekteý qoıylǵaly elimizge 1500-den astam QR azamaty, sonyń ishinde, qazaqstandyq stýdentter jáne basqa elden tranzıt arqyly ótken týrıster qaıtarylǵan bolatyn.

Túrkııa aýmaǵyndaǵy qalýǵa bel býǵan elimizdiń azamattary Qazaqstan Elshiliginiń erekshe nazarynda jáne olarmen turaqty baılanysta ornatylǵan.