Aımaqtar • 06 Sáýir, 2020

Dárigerlerdi demegen darhandyq

24 retkórsetildi

Kókshetaý qalasyndaǵy «Kókshetaý mıneraldy sýlary» kásiporny kún saıyn qat-qabat qıyndyqpen betpe-bet kelip, yntymaqtasa jumys istep jatqan dárigerlerdi jyly sózimen de, sapaly sýymen de qoldap otyr.

Kásiporynnyń baspasóz qyzmetiniń málimetine qaraǵanda, Nur-Sultan men Almaty qalalaryndaǵy aýrýhanalarǵa óz ónimderin tegin jibergen. Búgin 1250 lıtr sý Aqmola oblysyndaǵy karantın kezinde aýrýhanalarda qyzmet etip jatqan aq halatty abzal jandarǵa attandyrylǵan.

– Kúni búginge deıin jeti myń lıtrden astam tegin sý jónelttik,–deıdi aksıonerlik qoǵamnyń dırektory Stanıslav Maksımes, – bizdiń kómegimiz dárigerler eńbegimen salystyrǵanda túk emes qoı. Olar bolsa, óz ómirlerin qaterge tigip, adamdardyń densaýlyǵy úshin kúresip júr. Ol shyntýaıtynda, beıbit zamandaǵy erlikke para-par eńbek. Sondyqtan, biz qaı kezde de birinshi baılyq – densaýlyqqa qorǵan bolyp, eli úshin eńbek etip jatqan aq nıetti adamdardyń abyroıly isin umytpaı, ardaqtaı bilýimiz kerek.

Sóz sońynda atalmysh kásiporynnyń óńirdegi bıznestiń áleýmettik jaýapkershiligi baǵytynda úlken úlesi bar ujym ekenin aıta ketken lázim. Búgingi kúni de sol úrdisten tabylyp otyrǵandary ózgege ónege bolarlyq-aq  sharýa. 

 

Kókshetaý qalasy

Sońǵy jańalyqtar

Qazaqstan OPEK+ jańa sheshimin qoldady

Qazaqstan • Búgin, 11:32

Qulqynyn kóbirek oılaǵan jan qapy qaldy

Aımaqtar • Búgin, 09:30

Qyrshyn ketken sańlaq

Sport • Keshe

Uqsas jańalyqtar