Aımaqtar • 06 Sáýir, 2020

Aqmola oblysynyń ákimi oblystyq týberkýlezge qarsy dıspanserge bardy

14 retkórsetildi

Aqmola oblysynyń ákimi Ermek Marjyqpaev Qońyratbek Qurmanbaev atyndaǵy Aqmola oblystyq týberkýlezge qarsy dıspanserde bolyp, emdeý ornynyń ujymymen kezdesti jáne mundaǵy arnaıy ashylǵan bólimshede koronavırýstan emdelip jatqan syrqattarmen onlaın rejıminde júzdesip, hal-jaǵdaılaryn surap bildi.

О́ńir basshysy aldymen dıspanserdiń aýlasy men mýzeıin aralap kórdi. Atqarylǵan jumystarǵa nazar aýdardy. Ujymmen kezdesýinde koronavırýske baılanysty qalyptasqan jaǵdaı týraly baıandady.

– Osydan birer kún buryn Memleket basshysy Qasym-Jomart Toqaev pandemııamen kúreske tartylǵandardy qosymsha qoldaý sharalary týraly málimdeme jasady. Bul jóninde sizderge belgili, olardy durys jáne qajetti sharalar dep sanaımyn. О́z kezeginde bizdiń tarapymyzdan da qoldaý kórsetilýde. Infeksııalyq bólimsheniń barlyq qyzmetkeri 150 myń teńgeniń kóleminde syıaqy aldy. Alty mezgil tegin tamaq uıymdastyrylǵan, jumys isteýge jáne turýǵa qolaıly jaǵdaılar týǵyzylýda. Oblys boıynsha koronavırýs juqpasymen kúresý jáne bizdiń turǵyndardy qorǵaý úshin qoldan kelgenniń bári jasalýda. Menshik túrine qaramastan, barlyq qurylymdar jumysqa tartylǵan. Jekemenshik kásiporyndar bizdiń azamattar úshin maskalar tigip, antıseptıkter shyǵarýda.

Búgingi tańda bizdiń oblysta 638 adam medısınalyq baqylaýda, olardyń 272-si aýrýhanaǵa jatqyzylǵan. Koronavırýs juqpasy 18 adamda anyqtalyp otyr. 16 syrqat Kókshetaý qalasyndaǵy oblystyq týberkýlezge qarsy dıspanserdiń ınfeksııalyq bólimshesinde, 2 adam Nur-Sultan qalasyndaǵy ftızıopýlmonologııa ortalyǵynda ornalastyrylǵan. Úı karantıninde – 366 adam. Jalpy, 1382 tósek-oryn daıyndalǵan. Olardyń 135-i ınfeksııalyq, 221-i provızorlyq jáne 570-i karantındik maqsatta. Búgingi tańda barlyq bala baqshalar men mektepter jabyldy. Kóptegen uıymdar qashyqtyqtan jumys isteýde. Turǵyndarmen karantın kezinde koronavırýstyń jańa oshaǵyn týǵyzbaý úshin barynsha oqshaýlaný jóninde túsindirý jumystary júrgizilýde.

Dıspanserdiń bas dárigeri Qasymjan Táshmetov óz sózinde atqarylǵan jumystar jóninde baıandap berdi. Búgingi tańda aýrýhanada 135 adam emdelýde. Byltyr týberkýlezben aýyrǵandar sany 12 prosentke azaıdy. Únemdelgen qarjy aýrýhananyń materıaldyq-tehnıkalyq qajettiligine jumsalady. 

Oblys ákimi koronavırýs indetin emdeýge arnalǵan bólimsheniń jumysymen tanysty. Munda syrqattar men olardy emdep jatqan aq halatty abzal jandar úshin barlyq qajetti jaǵdaılar jasalǵan. Ermek Marjyqpaev onlaın rejıminde koronavırýs indetine shaldyqqan jandardyń hal-jaǵdaıyn surap bildi.

Sońǵy jańalyqtar

Onlaın format ońtaılylyǵyn kórsetti

Aımaqtar • Búgin, 19:10

Maqtaaralǵa Oraldan taǵy kómek attandy

Aımaqtar • Búgin, 18:46

Erteń Qyzylordada kún kúrt ysıdy

Aımaqtar • Búgin, 17:22

Sımptomsyz naýqastar úıde emdele alady

Koronavırýs • Búgin, 15:45

ForteMobile uıaly baılanysy iske qosylady

Tehnologııa • Búgin, 15:22

Mınıstr muǵalimdermen kezdesti

Bilim • Búgin, 14:47

Lıonel Messıdiń mereıi ústem

Sport • Búgin, 14:37

Aqmolada 3 adam sýǵa ketti

Aımaqtar • Búgin, 13:42

Uqsas jańalyqtar