Qoǵam • 06 Sáýir, 2020

BUU: Turmystyq zorlyq-zombylyq eselep artty

48 retkórsetildi

BUU Bas hatshysy Antonıý Gýterrısh COVID-19 indetiniń taralýyn toqtatý úshin kóptegen elde engizilgen karantın sharalary kezinde turmystyq zorlyq-zombylyq kórsetkishi eselep artqanyn málimdedi.

Keıbir esep boıynsha búgingi tańda búkil jer ǵalamshary halqynyń úshten biri nemese 2,6 mlrd adam karantınde jatyr.

«Biz adamdardyń úıde oqshaýlanýy koronavırýsty jeńý úshin qajet ekenin bilemiz. Biraq munyń teris yqpalynan áıelder seriginiń qatygezdigine dýshar bolady. Sońǵy aptada ekonomıkalyq jáne áleýmettik qysym men qorqynyshtyń kúsheıýine baılanysty biz otbasyndaǵy zorlyq-zombylyqtyń jahan boıynsha burq etkenin baıqap otyrmyz. Keıbir elderde qoldaý kórsetý qyzmetterine júgingen áıelder sany eki ese artty. Bul rette quqyq qorǵaý organdary men medısınalyq mekemelerdiń qyzmetkerleri jumysqa artyǵymen jumyldyrylǵandyqtan, keıde qajetti sharalar qabyldaı almaıdy», dedi Antonıý Gýterrısh.

Osylaı deı kele BUU Bas hatshysy barlyq úkimetten áıelderge qatysty zorlyq-zombylyqtyń aldyn alý jáne osyndaı álimjettiktiń nátıjesinde keltirilgen zalaldy óteý týraly erejeni negizgi bólikteriniń biri retinde koronavırýspen kúresýdiń ulttyq josparlaryna engizýge shaqyrdy.

Antonıý Gýterrısh shetin máseleni sheshý úshin qajetti sharalar retinde kommersııalyq emes uıymdar men onlaın-rejımde jumys isteıtin qoldaý qyzmetteri úshin qarjy bólýdi ulǵaıtýdy, álimjettik kórsetken adamdardyń jazadan jaltarmaýyn qadaǵalaýdy, dárihanalar men azyq-túlik dúkenderinde qaýip týraly avarııalyq habarlaý júıesin ornatýdy, sondaı-aq baspanalardy tirshilikti qamtamasyz etý nysandaryna teńestirýdi usyndy.

Sońǵy jańalyqtar

Erlikti dáripteıtin qomaqty qor

Rýhanııat • Búgin, 20:12

Eki qylmystyq top ustaldy

Aımaqtar • Búgin, 17:45

Bıyl elimizde 4 vızıt-ortalyq ashylady

Rýhanııat • Búgin, 16:01

Qazaqstanda Ekologtar kúni atap ótildi

Aımaqtar • Búgin, 15:57

Onlaın sóılesýdiń mádenıeti

Qoǵam • Búgin, 15:55

Balalar úıindegi izgilik sharasy

Aımaqtar • Búgin, 15:47

Eltańba tarıhy talqylandy

Rýhanııat • Búgin, 14:54

Senat Tóraǵasy AQSh elshisimen kezdesti

Parlament • Búgin, 14:38

Uqsas jańalyqtar