«Olarǵa balalarynyń kútimine bir jyl tolǵansha memleket tarapynan járdemaqy tólenedi. Bir jyl asqannan keıin suranyp jumysqa barar edi. Biraq qazir jumysqa eshkim almaıdy, shaqyrmaıdy. Sondyqtan dekrette otyrǵan analar bir jyl ótkennen keıin biryńǵaı jıyntyq tólem aýdaryp, osy 42 500 teńgege úmittenýge bolady» dedi ol.
Sondaı-aq ol 42 500 teńge alýǵa ótinish bildiretinderdiń bankterde esepshoty bolmaǵandyqtan qıyndyq týyndap jatqanyn, sondyqtan ótinishti eshqandaı esepshot kórsetpeı-aq tapsyra berýge bolatynyn aıtty.
«Biraz azamattarymyzda bankterde esepshottary joq eken. Esepshot ashýǵa úlgermeı qalamyz dep, barlyǵy bankterge júginip jatyr. О́z kezeginde bankter de narazylyq bildirip jatyr. Osyǵan qatysty bir-eki kúnde mynandaı ózgeris engizemiz: Siz ótinishińizdi bergen kezde, eger de sizde bankte shotyńyz bolmaǵan jaǵdaıda, shotty kórsetetin jerge eshteńe kórsetpeısiz. Astynda eskertý turady. Biz ótinishińizdi qabyldaımyz. Bir aıǵa deıin siz shotty bergenshe kútemiz. Shotyńyzdy alǵan soń, biz taǵaıyndalyp turǵan aqshany sol shotqa aýdaramyz. Sondyqtan, múmkindik bolsa, ótinishińizdi berip qoıyp, asyqpaı esepshotyńyzdy alýǵa bolatyn jaǵdaı qarastyryp jatyrmyz. Bir-eki kúnde portaldarǵa sondaı sheshimdi engizemiz» dedi mınıstr.
