Jaratylystaný-matematıkalyq baǵyt boıynsha pánderden sabaqtardyń beınejazbalary, sondaı aq 4-toqsannyń materıaldary boıynsha júzden astam sabaq túsirilip, stýdııalyq jazbaǵa qalanyń úzdik pedagogtary tartyldy. Bilim basqarmasynyń Youtube kanalymen qatar, barlyq sabaqtar «Almaty», «Balapan», «Elarna» kanaldarynan kórsetiledi.
Pedagogtar úshin 4-toqsan baǵdarlamasy boıynsha tirek konspektiler https://bilimalmaty.kz/predmety ázirlendi. Tirek konspektilerde sabaqtardyń taqyryptary, qaǵaz jáne elektrondy kózderdiń siltemeleri, materıaldyń qysqasha mazmuny, oqýshylarǵa arnalǵan tapsyrmalar berilgen. Sondyqtan muǵalimde sabaqtyń jalpy qurylymy bolǵandyqtan, óziniń tolyqtyrýlary men túzetýlerin engize otyryp ótkizýge múmkindik alady.
Mektep qorynan muqtaj otbasylar men oqýshylarǵa, pedagogterge 10 000-nan astam kompıýter berildi. Sonymen qatar, qala ákiminiń tapsyrmasymen tórt nemese odan da kóp balaly otbasylarǵa arnap 1500-den astam qosymsha kompıýterlik tehnıka satylyp alyndy.
Qashyqtan oqytý boıynsha týyndaǵan máseleler men suraqtarǵa jaýap beretin sall-ortalyqtary quryldy.
Pedagogtar men oqýshylarǵa sabaq barysynda kundelik.kz, bilimland.kz, daryn.online, Whatsapp, Telegram, t.b. platformalar qoljetimdi bolady.
Qashyqtan oqytý júıesiniń jumysy oqý jylynyń sońyna deıin jalǵasady.
Almaty qalasy Bilim basqarmasynyń feısbýk jelisindegi paraqshasynda qaladaǵy oqýshylardyń oqýyn jalǵastyrýyn jáne daǵdyly oqý úderisine kirisip ketýi úshin barlyq múmkindikter jasalatyndyǵy aıtylǵan.
ALMATY
