Aımaqtar • 06 Sáýir, 2020

Azamattarǵa arnalǵan úkimet qyzmetkerleri demalyssyz jumys isteýde

101 ret kórsetildi

Memleket basshysynyń shuǵyl tapsyrmasyn oryndaý úshin «Azamattarǵa arnalǵan úkimet» MK KEAQ Áleýmettik blogynyń qyzmetkerlerine júkteme 4 esege artty. Osy kúnderi Azamattarǵa arnalǵan úkimet qyzmetkerleri  42500 teńgeni alýǵa joldanǵan 20 myńnan astam ótinishti óńdedi.

«Azamattarǵa arnalǵan úkimet» MK KEAQ Almaty qalasy boıynsha fılıalynyń uıymshyl ujymy áleýmettik turaqtylyqty saqtaý úshin, Prezıdenttiń qaıta esepteý jónindegi tapsyrmasyn oryndaý maqsatynda onlaın qyzmet kórsetýde. Bul jumysqa fılıaldyń  áleýmettik blogynyń 200-den asa qyzmetkeri jumyldyrylǵan, onyń ishinde 100-den asa operator bek-ofısterde jáne 100-den asa operator úıde onlaın qyzmet kórsetýde. Jumys kestesi tańǵy saǵat 8-den bastalyp 22-ge deıin, keıde odan da uzaqqa sozylýda, delingen tıisti mekemeniń baspasóz habarlamasynda. Mamandar azamattardyń ótinishterin qabyldaıdy, tekseredi jáne ýákiletti organǵa jiberedi.Áleýmettik saqtandyrý jónindegi memlekettik qordyń (GFSS) rastaýynan keıin, qujattardy tólem jasaý úshin bazaǵa engizedi.

Búgingi kúnge deıin  respýblıka boıynsha kelip túsken 1 mıllıon 200 myńǵa jýyq ótinishtiń 20 myńnan astamy Almaty qalasynyń úlesinde. Fılıal qyzmetkerleri olardy óńdep, tólem jasaýdy qamtamasyz etýde.

Sondaı-aq, 1414 call-ortalyǵynda jumys isteý úshin áleýmettik bloktyń  2 operatory bólingen, olar azamattardyń áleýmettik tólemderge qatysty suraqtaryna jaýap beredi.

«Eldegi qazirgi jaǵdaı bárimizden birlikti talap etedi.  Bizdiń qyzmetkerlerimiz eselene túsken jumysyna  barlyq kúsh jigerin jumsap, qaırattylyq tanytýda, óıtkeni jaýapkershilik júgi óte aýyr. Barlyq aýdandarda járdemaqyǵa ótinishter tolassyz kelip túsýde. Qyzmetkerlerimizdiń tózimdiligi men shydamdylyǵynyń arqasynda tapsyrma sapaly oryndalýda. Bul oraıda,fılıaldyń áleýmettik qamtamasyz etý blogynyń barlyq qyzmetkerlerine alǵysymdy bildiremin!» - deıdi fılıal dırektory Danııar Qyryqbaev.  

 

ALMATY

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Túrkistan jasyl qalaǵa aınalýda

Ońtústik Qazaqstan • Keshe

Uqsas jańalyqtar