Aımaqtar • 06 Sáýir, 2020

7 sáýirden bastap Almatyda júrýge bolatyn barlyq ruqsatnama kúshin joıady

9666 ret kórsetildi

Seısenbi, 7 sáýirden bastap Almaty qalasynda júrýge bolatyn barlyq ótkizý qujattary men anyqtamalardyń kúshi joıylady. Bul týraly búgin Almaty qalasy ákimdiginiń baspasóz ortalyǵynda ótken onlaın-brıfıngte málim boldy.

Almaty qalasy ákimdigi janyndaǵy tótenshe jaǵdaı rejımin qamtamasyz etý jónindegi jedel shtab karantın kezinde jumysty jalǵastyratyn kásiporyndardyń elektrondy derekter bazasy qurylǵany belgili. Bazaǵa qalanyń tynys-tirshiligin qamtamasyz etetin medısına, quqyq qorǵaý, kommýnaldyq qyzmet, BAQ ókilderi, taksı jáne jetkizý qyzmetteri men memlekettik organ qyzmetkerleri engizildi. Atalmysh uıymdardan ótinimder 1-2 sáýirge deıin qabyldanyp, mekeme basshylary qyzmetkerlerine 6 sáýirge deıin jaramdy anyqtamalar bergen edi.

Alaıda, qala turǵyndary túrli formattaǵy ruqsat qaǵazdaryn kórsetken jaǵdaılar jıilep ketti. Jedel shtab eshqandaı ruqsat qaǵazdar men arnaıy ruqsatnama berilmeıtinin resmı málimdeıdi. Tek elektrondy baza ǵana jumys isteıdi. Búgingi tańda ruqsat alýǵa ótinish jibergen barlyq kásipkerlerge ruqsat berý nemese dáleldi bas tartýy bar elektrondyq hattar jiberildi.

Derekterdi toltyrý kezindegi qatelikterdiń kóp bolýyna, bazada jekelegen qyzmetkerler men avtokólikterdiń bolýy nemese bolmaýyna baılanysty kásipkerler Almaty polısııa departamentiniń baılanys ortalyǵyna 254 40 07 telefony arqyly nemese business_stab@almatydc.kz elektrondyq poshtasy arqyly tekserýi kerek.

 

 

ALMATY

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar