Bilim • 06 Sáýir, 2020

Ashat Aımaǵambetov: Shalǵaı aýyldardaǵy mektep oqýshylaryn qamtý – basty mindet

50 ret kórsetildi

Bilim jáne ǵylym mınıstri Ashat Aımaǵambetov búgin shalǵaı aýyldarǵa habarlasyp, qashyqtan oqytý barysyn baqylaǵanyn aıtty.  

«Qashyqtan oqytý barysynda árıne tehnıkalyq aqaýlar boldy. Biraq bul máseleler ýaqytynda sheshildi. Tehnıkalyq aqaýlarǵa qaramastan 2,4 mln bala ınternet arqyly bilim aldy», dedi Ashat Aımaǵambetov.

Sondaı-aq ol telearnalar arqyly ótken sabaqtar jóninde sóz etti.

«О́zderińiz biletindeı, teledıdar arqyly oqý bastaldy. Búgin tańǵy saǵat 09:00-den bastap «El arna» jáne «Balapan» telearnalarynan sabaqtar ótti. Bul baǵyt arqyly kóp oqýshy qamtyldy dep aıta alamyz. Osyǵan baılanysty arnaıy saýalnama júrgizdik. Sol saýalnamaǵa súıensek, ınternetpen jumys istegen balalardyń ózderi qosymsha retinde teledıdardy da qarap sabaq oqydyq dep jatty. Olardyń ishinde ata-analarymen kórgenderi de kóp», dedi mınıstr.

Onyń aıtýynsha, búgin shalǵaı aýyldardaǵy oqýshylar da telearnalar arqyly sabaq oqyǵan.

«Biz keıbir shalǵaı aýyldardaǵy balalardy ýaıymdaǵanbyz. Men búgin túske qaraı birneshe eldi-mekenderge telefon soǵyp, ata-analarmen jáne ustazdarmen sóılesip jaǵdaıdy baqyladym. Sol alǵan aqparat boıynsha naqty osy telearnalar arqyly bilim aldyq degen jaqsy pikirler aıtyldy. Sondyqtan biz ári qaraı da telearnalar arqyly jumysymyzdy júrgize beremiz. Bizge shalǵaı aýyldardaǵy mektep oqýshylaryn qamtý – basty mindet», dedi ol.

Sońǵy jańalyqtar

Qalalar arasynda blokbeketter qoıylmaıdy

Qazaqstan • Búgin, 15:47

Elbasy koronavırýstan jazylyp shyqty

Elbasy • Búgin, 15:07

8 elden 15 fınteh-startap irikteldi

Qazaqstan • Búgin, 13:37

Tabys ósip, qaryz edáýir azaıdy

Ekonomıka • Búgin, 12:23

Dollardyń búgingi baǵamy belgili boldy

Ekonomıka • Búgin, 11:35

Jambyl oblysynda dinı ahýal turaqty

Aımaqtar • Búgin, 09:45

Uqsas jańalyqtar