Bul oraıda kásipkerlerdiń máselesimen «Atameken» Kásipkerler palatasynda arnaıy qurylǵan shtab aınalysýda. Túrkistan oblysy Kásipkerler palatasynyń dırektory M. Ibadýllaev kásipkerlerge tıesili kómekti qalaı alýǵa bolatynyn túsindirdi. «Eńbekaqysy saqtalmaǵan demalysta júrgen shaǵyn jáne orta kásipkerlik sýbektisiniń jumyskerleri, karantın engizilgen eldi mekenderde iri kásipkerlik sýbektileriniń jumyskerleri, jaldamaly jumys kúshin qoldanbaıtyn jeke kásipkerler, jeke praktıkamen aınalysatyn adamdar, biryńǵaı jıyntyq tólem tóleýshi bolyp tabylatyn jeke tulǵalar, mindetti zeınetaqy jarnalaryn tólegen jeke tulǵalar, sondaı-aq, kommersııalyq emes zańdy tulǵa jumysshylary jańa áleýmettik tólem alý úshin «Elektrondyq úkimet» veb-portalynda «Elektrondyq ótinish» servısi arqyly jumyspen qamtý máseleleri jónindegi jergilikti organǵa tótenshe jaǵdaı kezeńinde qyzmettiń shektelýine baılanysty qyzmetkerler tizimin qosa, ótinishti joldaıdy», dedi palata dırektory. Sondaı-aq M.Ibadýllaev saıt arqyly járdemaqy alý algorıtmine toqtalyp, áleýmettik tólem birinshi kezekte tótenshe jaǵdaı kezinde kirisinen aırylǵan azamattardy qoldaýǵa baǵyttalǵanyn atap ótti.
Túrkistan oblysy
