Kapıllıarlyq qan ekspress-testteri 15 mınýttyń ishinde COVID-19 koronavırýsqa IgG jáne IgM antıdeneleriniń oryn alǵanyn anyqtaıdy. QHR óndirilgen testter Eýropa parlamenti men Eýropa Keńesiniń 98/79/EK medısınalyq dıagnostıka quraldary jónindegi dırektıvasynyń qaǵıdalaryna sáıkes jáne Almatydaǵy Ortalyq referens-laboratorııasynda tekserýden ótti. Ol eýropalyq keıbir elderde halyqty tekserý barysynda bolǵan sapasyz testterdi qoldanýdy boldyrmaý úshin qajetti shart.
QR Densaýlyq saqtaý mınıstrliginiń sheshimi boıynsha, tegin skrınıngtik testileý táýekeldik toptaryndaǵy halyqtyń arasynda ótkiziledi. Ondaılarǵa medısınalyq jumyskerler men quqyq qorǵaý organdarynyń qyzmetkerleri, tumaý sımptomdary bar adamdar, sozylmaly aýrýy bar stasıonarlardyń pasıentteri, juqtyrǵan adammen kontaktta bolǵan, ne bolmasa juqpa oshaǵynda turyp jatqan, sondaı-aq avtoótý pýnktteri arqyly shetelden keletin adamdar jatady. Ekspress-testileý medısınalyq járdem stansalarynda, stasıonarlarda, shekaralyq temir jol jáne avtomobıl kólik ótkelder men blok-beketterde, mobıldi beketterde, jedel járdem kólekterinde jasalady. Tegin testileýge tirkelý úshin https://formcovid.eisz.kz/index.html saıtyndaǵy anketa toltyrý qajet.
«Aýrý juqtyrǵandardy olardyń densaýlyǵy men aınalasyndaǵy adamdardyń densaýlyǵy úshin erte anyqtaǵan asa mańyzdy shara bolyp tabylady. Muny epıdemııanyń shyrqaý shyńyn bastan ótkergen elderdiń tájirıbesi kórsetedi. Ýaqytyly qabyldanǵan sharalar ınfeksııanyń taralýyn shekteýge, aýrýǵa shaldyqqan adamdardyń sanyn tómendetýge jáne ólimge ákelip soǵatyn jaǵdaılardyń sanyn barynsha azaıtýǵa múmkindik beredi», - dep atap ótti Bolat О́temuratov Qorynyń dırektory Marat Aıtmaǵambetov.
Aıta ketý kerek, Bolat О́temuratov buǵan deıin koronavırýstyń taralýyna qarsy kúresý jáne halyqtyń áleýmettik osal toptaryna qoldaý kórsetý maqsatymen qurylǵan «Birgemiz» Qoǵamdyq qoryna qosymsha 1 mıllıon AQSh dollaryn bólgen bolatyn.
