Qoǵam • 06 Sáýir, 2020

Qostanaı oblysy: «Jumyspen qamtýdyń jol kartasyna» 53,7 mlrd teńge bólindi

10 ret kórsetildi

Oblys ákimdiginde ótken jıynda 2020 jyly Jumyspen qamtýdyń jol kartasy aıasyndaǵy ınfraqurylymdyq jobalardy júzege asyrý máselesi talqylandy. Bul jóninde baıandama jasaǵan jumyspen qamtýdy úılestirý jáne áleýmettik baǵdarlamalar basqarmasynyń basshysy Gúlnar Ábenovanyń aıtýynsha, Jol kartasy jumyssyzdar sanynyń ósýine jol bermeýge, qosymsha jumys oryndaryn ashýǵa, sondaı-aq aýyldyq mekenderdegi ınfraqurylymdy damytý arqyly turǵyndardyń turmysyn jaqsartýǵa baǵyttalǵan. 

Bıyl áleýmettik-mádenı salany, turǵyn úı-kommýnaldyq sharýashylyq, ınjenerlik-kóliktiń ınfraqurylym nysandaryn jóndeý, qalpyna keltirý, eldi mekenderdi abattandyrý baǵytyndaǵy jobalardy júzege asyrý kózdelip otyr, -  dedi G.Ábenova.

Bul maqsatqa 53,7 mlrd teńge qarastyrylǵan. Basqarma basshysynyń aıtýynsha, bıyl jumyspen qamtý ortalyqtary arqyly ınfraqurylymdyq jobalardy iske asyrýǵa tartylǵan turǵyndardyń ortasha jalaqysy keminde 2 eń tómengi jalaqy mólsherinde nemese 85 000 teńgeniń shamasynda bolady. Búginde oblysta 275 ınfraqurylymdyq joba bar. Olardy irikteý barysynda qosymsha jumys kúshin qajet etetin iri kásiporyndary bar  shaǵyn qalalar men  oblys ortalyǵyna basymdyq berilgen. Bul jobalar 13 435 jańa jumys ornynyń ashylýyna muryndyq bolmaq. Osylaısha Jumyspen qamtý ortalyqtary arqyly 6718 jumyssyzdy eńbekpen qamtý kózdelip otyr.   

Qostanaı oblysy

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar