HHI ǵasyrdyń alǵashqy onjyldyǵynyń eń úzdik kásipqoı boksshysy atanǵan 41 jastaǵy Kıbave óńiriniń týmasy 1995 jyldan beri judyryqtasyp júr. Shırek ǵasyrǵa jýyq ýaqyt aralyǵynda onyń joly nebir myqtylarmen qıysty. Barlyǵy 71 kezdesý ótkizgen Mennı 62 ret jeńiske jetip, 39 qarsylasyn nokaýtpen utty. Jeti márte utylyp, taǵy eki básekede teń esep tirkeldi.
BAQ ókilderine bergen suhbatynda Pakıao óziniń eń qaýipti qarsylasy retinde Meksıkanyń úsh myqtysy – Antonıo Margarıto, Hýan Manýel Markes, Erık Morales jáne Pýrto-Rıkonyń ókili Mıgel Kottony atady. Al solardyń arasynda eń kúshtisi Margarıto bolǵanyn ol moıyndady. «Antonıomen 2010 jyldyń 13 qarashasynda kúsh synastym. Maǵan qaraǵanda ol eńseli ári fızıkalyq turǵydan myqty edi. Soqqysy da zildeı. Tıgen jerin úgitip jiberetindeı. Biraq men durys taktıka qoldanyp, odan aılamdy asyryp kettim» deıdi Mennı.
Joǵaryda esimderi atalǵan ózge boksshylar jaıynda aıtar bolsaq, Mennı Pakıao Hýan Manýel Markespen tórt ret judyryqtasty. Bir ret utylyp, eki ret utyp, taǵy bir tartysta teń esep tirkeldi. Erık Moralespen eki márte qolǵap túıistirdi. Fılıppındik eki márte, meksıkalyq bir ret jeńis toıyn toılady. Al Mıgel Kottodan ol aılasyn asyrdy.
