COVID-19 ekspress-test tekserýinen ótý úshin ne isteý kerek?

1. Koronavırýs taralýynyń aldyn alý is-sharalaryna qatysatyn tulǵalar: jedel járdem salasynyń medısınalyq qyzmetkerleri, ambýlatorııalyq-emhanalyq uıymdardyń, stasıonarlardyń qabyldaý bólimsheleriniń qyzmetkerleri.
2. Medısınalyq kómek kórsetýge tikeleı qatysatyndar
3. Tynys alý aǵzalarynyń aýyr sozylmaly aýrýlarymen dıspanserlik esepte turǵan tulǵalar;
4. Aýrýhanaǵa jatqyzylmaǵan respıratorlyq sımptomdary (JRVI, pnevmonııalar, JRA) bar naýqastar;
5. Aýrýǵa shaldyǵýshymen yqtımaldy qatynastarda bolǵan qatarǵa jatatyn tulǵalar;
6. Avtoótkelder men temir joldardaǵy memlekettik shekaradan ótkizý bólimsheleri arqyly Qazaqstanǵa saparlap keletin azamattar;
7. Koronavırýs taralýynyń aldyn alýǵa qatysatyn ortalyq jáne jergilikti memlekettik organdardyń qyzmetkerleri (Ishki ister mınıstrligi, Qorǵanys mınıstrligi, Ulttyq gvardııa, UQK, Keden qyzmeti, Ákimdikter qyzmetkerleri;
8. Karantındik aımaqtardyń tirshilik qyzmetin qamtamasyz etetin qyzmetkerler (kommýnaldyq qyzmetterdiń, taǵam ónimderin, dári-dármekter ótkizetin saýda obektileriniń, jetkizýdi júzege asyratyn qoǵamdyq tamaqtandyrý obektileriniń, kólik tasymalynyń, PIK qyzmetkerleri, dezınfeksııa qyzmetin kórsetetinder jáne t.b.);
9. Tek epıdemıologııalyq kórsetilimder boıynsha ózge tulǵalar.

 COVID-19 ekspress-test tekserýinen ótý úshin ne isteý kerek?

1. QR DSM Respýblıkalyq elektrondyq densaýlyq saqtaý ortalyǵynyń https://formcovid.eisz.kz/index.html saıtynda saýalnama toltyrý
2. Epıdemıologııalyq irikteý kómegimen birinshi kezekte test tekserýinen ótkiziletin azamattardyń sanattary kórsetilgen.
3. Azamattardyń osy sanattary koronavırýs ekspress-test tekserýinen tegin ótedi.

COVID-19 test tekserýinen ótý rásimi

1. Qaýipsizdikti qamtamasyz etý úshin COVID-19 test tekserýinen ótý rásimi basqa taldaýlar qabyldanbaıtyn, qatań túrde bıomaterıal alý úshin belgilengen bólimshelerde ótkiziledi (saýalnamalardy irikteý qorytyndylary boıynsha).
2. Pasıentter ekspress-test tekserýine qatań túrde kórsetilgen ýaqytta shaqyrylady jáne óz kezegin ózara 1,5-2 metr araqashyqtyq saqtap, kóshedegi qan tapsyrý bólimsheleriniń aldynda kútedi jáne orynjaıǵa bir-birden shaqyrylady.
3. Kiretin jáne shyǵatyn pasıentter legi eki jaqqa bólinedi.
4. Medısınalyq betperdeniń bolýy mindetti.

Test qaıda jáne kim arqyly ókiziledi?

1. Jedel járdem brıgadalary (shuǵyl shaqyrtýlar).
2. Zerthanalyq qyzmetterdiń mobıldi brıgadalary, arnaıy jasaqtalǵan bólimshelerde (tek shaqyrý boıynsha).
3. Avto jáne temir jol ótkelderinde (QR aýmaǵyna saparlap keletin azamattar úshin).
4. Stasıonarlarda (tek medısınalyq kórsetilimder boıynsha) 

COVID-19 ekspress-test  neden turady?

1. Ekspress-test birneshe reagent jaǵyndysymen endirilgen test-jolaǵy bar bir rettik plastık qurylǵydan turady.
2. Test ótkizý úshin kúrdeli qural-jabdyq qajet emes. Taldaýǵa qan saýsaqtan alynady, barlyq paıdalanylatyn quraldar sterıldi jáne bir rettik.
3. Osyndaı test ótkizý nátıjesin 15 mınýt ishinde alýǵa bolady.

COVID-19 ekspress-test  nátıjesi senimdi me?

1. Ekspress-test arqyly koronavırýs ınfeksııasynyń dıagnozy qoıylmaıdy, óıtkeni onda aǵzadaǵy vırýs anyqtalmaıdy, tek oǵan degen ımmýndyq júıeniń reaksııasy baǵalanady.
2. Ekspress-testiler senimdiligi 90%-dan aspaıdy, sondyqtan 10% deıingi jaǵdaıda ári jalǵan-teris, ári jalǵan-oń nátıjeler alýǵa bolady.
3. Dıagnozdy rastaýdyń negizgi ádisi burynǵysha koronavırýs RNQ anyqtalatyn ańqadan alynatyn PTR jaǵyndysy bolyp tabylady.

Eger COVID-19 ekspress-test teris nátıje kórsetse:

1. Teris test nátıjesin alý ınfeksııanyń joq ekenin nemese ınfeksııa juqtyrýdyń taıaýda bolǵanyn, al antıdenelerdiń áli túzilip úlgermegenin aıǵaqtaı alady.
2. Vırýstyń osylaı tasymaldanýy qorshaǵan qaýymǵa qaýipti bolýy múmkin, sondyqtan eger siz karantınde bolsańyz, oqshaýlanǵan kúıde qalyp, barlyq profılaktıkalyq sharalardy qadaǵalaý kerek.
3. Karantın aıaqtalǵanda ınfeksııa juqtyrýdy túpkilikti joqqa shyǵarý úshin qaıtalap test ótkizý qajet.

COVID-19 ekspress-testisiniń jumys isteý qaǵıdaty

1. Test qaǵıdaty SARS-CoV-2 (COVID-19) koronavırýsyna IgG/IgM klass antıdenelerin qanda anyqtaýǵa negizdelgen. Infeksııa juqtyrýdan keıin 7-10 kún ótkende birinshi bolyp IgM klass antıdeneleri óndiriledi. Olar aýrýdyń jedel satyda ekenin aıǵaqtaıdy.
2. Infeksııa juqtyrýdan keıin 2-3 apta ótken soń IgG klass antıdeneleri óndiriledi, ol ınfeksııanyń kóterimdi ótkenin jáne qalyptasqan ımmýndyq jaýapty bildiredi.
3. Eger adamda IgM klass oń antıdeneleri (nemese IgM jáne IgG oń antıdeneleriniń eki klasy) tabylsa, onda ınfeksııa juqtyrý 7-14 kúnge jýyq ýaqyt buryn oryn alǵan.
4. Eger IgG klass oń antıdeneleri tabylsa – bul buryn osy adamnyń koronavırýspen baılanysy bolǵanyn nemese osy ınfeksııany ımmýndyq jaýap qalyptasýymen kótergenin bildiredi.