Qazaqstan • 06 Sáýir, 2020

Dárigerlerge arnap án jazyldy

288 ret kórsetildi

Koronavırýs pandemııasyna baılanysty búginde elimiz syn saǵattaryn bastan keshýde. Tótenshe jaǵdaı kezinde, ásirese aq halatty abzal jandardyń eńbegi mol ekenine kózimiz jetti. Osy oraıda Nur-Sultan qalasy ákimdigi memlekettik akademııalyq fılarmonııasynyń ártisteri dárigerlerdiń ólsheýsiz qyzmetin, erligin jyrǵa qosyp «Dárigerler» ánin jazdy.

Jańa ánniń mátinin Qýat Ejembek, mýzykasyn Mádenıet qaıratkeri, «Qorqyt» etno ansambliniń kórkemdik jetekshisi Sholpan Qorǵanbek jazǵan. Qýat Ejembek bul týyndysymen naýqastar palatasynda uıqysyz túnder ótkizip, bastaryn qaterge tigip júrgen jandarǵa rızashylyǵy men alǵysyn bildirgen eken. Ánniń avtory Sholpan Qorǵanbek te atalmysh oqıǵadan qatty áser alyp, emosıonaldyq yqylasy men sezimin mýzykamen jetkizýge tyrysqanyn aıtty. Ánde dárigerlerdiń batyldyǵy men erlikteri hám qazaqstandyqtardyń bul synaqtan da ótip, ózderine qundy sabaq beretini týraly baıandalady.

«Dárigerler» ánin jazýǵa Qazaqstannyń jáne Tatarstannyń Halyq ártisi, QR Memlekettik syılyǵynyń laýreaty Nurjamal Úsenbaeva, QR eńbek sińirgen qaıratkerleri Altynaı Jorabaeva, Estaı Muqashev, Bıbigúl Januzaq, halyqaralyq baıqaýlardyń laýreaty A.Qusnadın at salysqan. 

 

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar