Ekonomıka • 07 Sáýir, 2020

Jeńildetilgen nesıe jetken joq

14 retkórsetildi

Jýyrda óńir basshysy A.Muhambetov Qostanaı obly­syndaǵy bıdaı tuqy­my­na muqtaj shaǵyn sharýa­shy­­lyqtarǵa «Keń dala» baǵ­darlamasy boıynsha 17 mlrd teńge jeńildetilgen nesıe beriletinin, bul nesıeni bi­rin­shi kezekte shaǵyn jáne orta sharýashylyqtar ala­tynyn aıta kelip, jer­gi­likti ákimderge, aýyl sharýa­shylyǵy men jer qaty­nastaryn retteıtin bas­qar­­­ma­larǵa shaǵyn jáne orta shar­­­­­­­­ýa qojalyqtardy qol­­daý­­dy erekshe nazarǵa alý ke­re­­gin nyq­tap tapsyrdy.

Oblys ákiminiń aıtýynsha, búgin­ge deıin «Qarapaıym zattar ekono­mı­kasy» baǵdarlamasy boıynsha shar­ýashylyqtar usynǵan 39 joba maq­uldanyp, jalpy somasy 12 mlrd teńge jeńildetilgen nesıe berilgen. Taıaý­da 12 jobaǵa taǵy 4,5 mlrd teńge qa­rjy bólinbek.

Prezıdent pármeniniń jergilikti jer­lerde qalaı oryndalyp jat­qa­nyn bilmek bolyp, byltyrǵy qýań­shy­­lyqtan qatty zardap shekken Na­ýy­­rzym aýdanyna habarlastyq.

– Agrarlyq nesıe korporasııa­sy «Qarapaıym zattar ekonomıkasy» baǵ­darlamasy boıynsha 5 paıyzdyq nesıe beretin boldy. Biraq kepildiksiz eshteme berilmeıdi. Buryn bankter ke­pildikke jer almaýshy edi, qazir ala­tyn boldy. Dıqandar úshin bul da úlken qoldaý. Qazir dıqandar qujat­ta­ryn jınastyryp jatyr. Búgin­ge deıin «Býrevestnıkten» 3, «Raz­dol­nyı­dan» 3 dıqan – jalpy sany 10-15 shaqty adam qujattaryn tapsyrdy. Alda­ǵy kúnderi alyp qalar, – dedi aýdan ákiminiń orynbasary Qabıdolla Omarov.

Dıqandarǵa da telefon shaldyq. О́leń­di aýylyndaǵy «Bogdan» sharýa qojalyǵynyń ıesi Dmıtrıı Isaev Prezıdent bólgen 70 mlrd teńgeden bir tıyn da ala almaıtynyn aıtty. О́ıtkeni dıqan byltyr kóktemgi dán sińi­rý jumystaryna 15 mıllıon teńge alǵan. Biraq bıdaıy túgeldeı kúıip ketip, memleketke 17 mln teńge bereshek bolyp qalǵan.

– Byltyr 1000 gektar bıdaı, 300 gektar arpa ektik. Qýańshylyq uryp, alqapty sol kúıi tastap kettik. Byltyr «Sybaǵa» baǵdarlamasy boıynsha aberdın-angýs tuqymdy 80 bas iri qara alǵanmyn. Quny – 31 mln 250 myń teńge. Búkil jerimdi, bar múlkimdi kepildikke saldym. Endi nesıege qoıatyn kepildigim joq. Qazir dollar ósip ketti. Koronavırýs taǵy qysyp jatyr. El aldyn boljaı almaı tur. Barmaǵan jerim, baspaǵan taýym qalǵan joq, eshkim qaryz bermeıdi. Jaǵdaıymyz óte qıyn. Taıaý kúnderi tehnıkany jóndeýden ót­ki­zip, sáýirdiń ortasyna taman jer degdise alqapqa shyǵýymyz ke­rek. Ylǵaldy der kezinde jaýyp úlgermesek, jer taǵy keýip kete­di, – dedi dıqan.

Bul «Bogdan» sharýa­shylyǵynyń basyndaǵy ǵana jaǵdaı emes. Qamysty, Jitiqara, Naýyr­zym aýdandarynyń usaq sharýa­shy­lyq­ta­rynyń kóbinde bankke beretin kepil­dik joq. Dıqandardyń kóbi Pre­zı­de­nt aıtqan jeńildetilgen nesıeni kim, qashan, qalaı beretinin bilmeıdi.

– Byltyr 800 gektar bıdaı ektim. Biraq jınaǵan joqpyz, tastap kettik. Qoly­myzda jınaý tıimsiz degen anyq­tama bar. Aýdannan komıssııa shyǵyp, kózimen kórip ketken. Qazir tuqym taba almaı jatyrmyz. Maǵan kótemgi egin jumystaryna 10 mln teńgedeı kerek. Al Prezıdent aıtqan nesıe týraly áli eshkim eshteńe dep jatqan joq. «Atameken» de, Agrarlyq nesıe korporasııasy da jabyq. Men kúni boıy izdestirip, eshkimnen eshteme taba almadym, – dedi О́leńdi aýylynyń dıqany Arnur Bekmaǵambetov.

О́ńir basshysy «Taıaý kúnderi aýyl sharýashylyǵy qurylymdaryna beri­letin nesıe kólemi keńeıtilýi tıis. Bul týraly biz birden aýyl sharýashylyǵy kásiporyndary men sharýa qojalyqtarynyń basshylaryn habardar etemiz», degen edi. Bálkim, áli jetpeı jatqan bolar.

Oblysta jeńildetilgen nesıege muqtaj 6 700 sharýashylyq bar.

 

Qostanaı oblysy

 

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar