Rýhanııat • 07 Sáýir, 2020

Koreıadan kelgen qyz

6757 retkórsetildi

Osydan eki jyl buryn aýylǵa bir barǵanymda «Pálensheniń qyzy Koreıaǵa jumys isteýge ketipti» degendi estip, «Er-azamat bolsa bir sári, qyz balanyń jat elge baryp jumys istegeni qalaı bolar eken?» dep oılaǵan edim. Sóıtsem ol jaqta óziń tártip buzbasań, eshkim shettetip, kúsh kórsetpeıdi eken. Qarapaıym jumysshynyń ózine bizdiń eldegi dókeılerdiń túsine kirmeıtin jalaqy beretin kórinedi. Sodan erli-zaıyptylar, tipti, bala-shaǵa, otbasymen ketip jatqandar da barshylyq eken.

Aqpan aıynyń aıaǵynda Koreıaǵa ketken sol qyz telefon shaldy. Alǵashynda +82 10 343... degen sandardan bastalatyn uzyn nómirdi tanymaı, tutqany kótermeı qoıǵan bolatynmyn. Artynsha sol nómirden WhatsApp-yma daýystyq habarlama kep tústi. Sóıtsem bizdiń aýyldyń qyzy eken. Qansha degenmen qyz bala baýyrmal emes pe? Sálemdese sala aýyldyń, eldiń amandyǵyn surap jatyr. Árıne qazirgideı ınternet zamanynda aıshylyq alys jerde tursań da týǵan elińniń jańalyqtaryn bilip otyrý esh qıyn emes. Degenmen de jat jer­degi qazaqtar ózderi estigen áńgimelerin myń qubyltyp, ol aýyzdan-aýyzǵa kóship, aqyrynda «Samarqandy sý alypty» dep aıaqtalatyny belgili ǵoı.

– Ońtústik Koreıaǵa kelgenime osy jyl­dyń sáýir aıynda eki jyl bolady. Bul jaqta koronavırýsqa baılanysty jaǵdaı qıyn boldy. Karantın jarııalandy. Biraq shynymdy aıtsam, qalada anaý aıtqandaı dúrligip, úreılenip júrgen halyqty kórmedim. Bári óte sabyrly. Koreı halqy óte taza, tártipti halyq qoı. Burynnan kóshede betterine mas­ka taǵyp júretin. О́ıtkeni bul jaqta jel kóp. Men Seýlden 128 shaqyrym qashyqta ornalasqan Chhondjý́ degen qalada jumys istedim. Myna jaqtaǵy adamdardan nebir sumdyqtardy estısiń... Odan ıýtýbtan Qazaqstan týraly ár túrli aqparattardy kórdim.

Kóshede kórgenim – ár baǵdarshamnyń túbinde aq jeleńdi jandar turdy. О́tip bara jatqan keı adamdardy toqtatyp, dene qy­zýyn ólsheıdi. О́zińiz baryp, ólshetip alsańyz da bolady. Qaı mekemege kirseńiz de, qol shaıatyn spırt, maska, bári daıy­n tur. Medısınasy damyǵan el ǵoı. Adamdary da óte jaqsy. Halyqqa barlyq jaǵdaı jasalǵan. Alǵash kelgende aýyl sharýashylyǵy salasynda eńbek ettim. Keıin kir jýdym. Koreıler úshin ulý qabyrshaǵy óte jeńsik as. Teńizdiń astynan shyǵatyn qabyrshaqty da terdik. Tamyz aıynan bastap meıramhanada jumys isteı bastadym. Karantın kezinde klıentter óte az boldy. Endi elge qaıtsam deımin. Árıne bul jaqta jaqsy tabys tabasyń. Biraq báribir týǵan elde júrgenge ne jetsin? – dedi ol.

Arada úsh apta ótkende aýyldyń qyzy elordaǵa ushyp keldi. Bastapqyda Nur-Sultan qalasynda tótenshe jaǵdaı jarııalanýyna baılanysty elge kirgizbeı qoıa ma dep qaýiptengen. Joq, eshqandaı kedergi bolmady. Shyǵar kezde «Aǵa, elordada jaqyn aǵaıyn-týysym, tanysym joq. Barǵan soń qaıda baramyn, qaıda qonamyn?» degen bolatyn. Shynymdy aıtsam, ózim de sasyp qaldym. Qansha degenmen indet órship turǵan elden kele jatqan adamdy tanysy túgili jaqyn aǵaıyny úıine kirgize me? Degenmen de «Kele ber... Bir jóni bolar» dedim sabyr saqtap. Eki kúnnen keıin WhatsApp arqyly «Keldim, bizdi arnaıy avtobýsqa mingizip, «Týrıst» qonaq úıine aparyp ornalastyrdy. Qan synamasyn tapsyrdyq, osy jerde biraz kún bolatyn sııaqtymyz», dep jazdy.

Endi ári qaraı ne bolady? Jolyqsam, aýrý juǵyp ketetindeı ózimnen-ózim qýystanyp júrgende «Qan synamasy durys shyqty. Bizdi avtobýspen Qaraǵandyǵa alyp bara jatyr. Sol jerden Shymkentke qaraı poıyzǵa salyp jiberetin boldy» dep habarlasty. «Oıbúı, eń bolmaǵanda úıge kirip, dám aýyz tıip shyqpadyń ba?» dep men de sypaıylyq tanytyp jatyrmyn.

«Eki jylda eldiń jaǵdaıy ájepteýir ózgeripti. Ushaqtan túskennen, odan qonaq úıde de dárigerler tik turyp qyzmet etti. Barlyq jaǵdaı jasalǵan. Bes mezgil tamaq berdi. Tósek oryndary da tap-taza. Eldiń jaǵdaıyn kórip qýanyp qaldym» dedi avtobýsta ketip bara jatqan qyz.

«Jolyń bolsyn! Aýylǵa aman-esen jetip al!», dedim aýyldasyma. Árıne eli­mizde indetti jeńý úshin orasan eńbek atqarylyp jatyr. Alaıda, Koreıadaǵydaı bizdiń elde kez kelgen dárihanadan maska men qol jýatyn spırtti taba almaıtynymyzdy aýyldas qyzǵa aıtpadym. «Elge barǵan soń ózi de biledi ǵoı...».

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar