Ekonomıka jáne bıýdjetti josparlaý basqarmasynyń basshysy Maqsat Turlybaevtyń málimdeýinshe, indettiń taralmaýyna oraı óńirde júrgizilip jatqan sharalar barysyna saı ókpeni jasandy tynystandyratyn 20 apparat, aýrýhana tósekteri janyna ornatylatyn arnaıy 10 monıtor satyp alý josparlanýda.
– Qazirgi bul – koronavırýs ınfeksııasy anyqtalǵan jaǵdaıda jumys isteý úshin eń qajetti jabdyqtar, – dedi máslıhat sessııasyna qatysqan oblysy ákimi Ábilqaıyr Sqaqov. – Búginde óńirde ókpeni jasandy tynystandyratyn 128 qurylǵy bar, al qosymsha 56 apparat qajet. Sondyqtan taǵy da 20 jasandy jeldetý apparatyn alýǵa qarjy bóldik. Taǵy 8 apparat jalpy sıpattaǵy transfertter esebinen satyp alynady.
Buǵan deıin óńirdiń barlyq medısınalyq mekemelerindegi qurylǵy, qural-jabdyqtarǵa tekseris júrgizilgen. Eskirgen jáne tehnıkalyq aqaýly jabdyqtar tolyqqandy dıagnostıka men emdeý úshin qajetti basqa da quraldardyń jańasyna aýystyrylmaq bolǵan-dy.
Al qazir óńirde indettiń aldyn alý jáne boldyrmaý baǵytyndaǵy sharalar jalǵasýda. Mekemeler sanıtarlyq talaptardy kúsheıtýde. Qyzmetkerler jumys kezinde bir rettik medısınalyq betperde qoldanýda.
Osy kúnderi oblysta 634 adam medısına qyzmetkerleriniń baqylaýyna alynǵan. Osy adamdar arasyndaǵy 77 adam stasıonarda dárigerler qaraýyna, 557 adam úı karantıninde. Indettiń aldyn alý jáne boldyrmaý baǵytyndaǵy sharalar jalǵasýda. Sonymen qatar 38 adam dárigerlerdiń qońyraý shalýlary arqyly baqylanýda. Koronavırýs ınfeksııasy jaǵdaıyna arnalǵan 845 tósektik oryn daıyn. О́ńirde ázirge koronavırýsty juqtyrǵan 1 adam tirkelgen. Bul adammen baılanysta bolǵandardyń barlyǵy medısınalyq tekserýlerden ótkizildi.
Pavlodar oblysy
