Rýhanııat • 07 Sáýir, 2020

Apatpen oınamaıyq, oılanaıyq aǵaıyn...

107 retkórsetildi

Prezıdent Qasym-Jomart Toqaev teledıdar arqyly halyqqa mańyzdy málimdeme jasap, qazirgi qıyn jaǵdaıdan shyǵýdyń naqty joldary men atqarylar is-sharalardy atap kórsetýmen birge, memlekettiń elimizdegi az qamtylǵan, kómekke zárý azamattaryna kórsetetin naqty qoldaýy men qamqorlyǵyn da jarııa etti.

Endigi másele, el turǵyn­dary­nyń sanalylyq tanytyp, Pre­zıdenttiń málimdemesine ún qosa bilýinde, sondaı-aq ár azamattyń qıyn kezeńnen aman-esen ótýge ózi­niń úlesin qosýǵa degen umty­lysynda.

Jasyratyn nesi bar, qazir elimizde atyshýly indet órship barady. Juqtyrǵandar sany kún sanap ósýde. Jıyrma shaqty kúnniń ishinde ǵana elimizde vırýsty Nur-Cultan, Almaty, Shym­kent qalalary men elimizdiń kóptegen aımaǵynda 600-den astam otandasymyzdyń juqtyrǵany anyqtalyp otyr. Alty adam kóz jumdy. Qysqasy, baýyrlar, el basyna taǵdyr talqysy túsken syn saǵatqa dóp kelip otyrmyz.

Bul dert jalǵyz biz ǵana emes, tutas adamzat balasyn alań­datyp otyr. Qytaıdan bastaý alǵan COVID-19 vırýsy jańa jyldan beri, ásirese sońǵy eki aıdyń júzinde álemniń kóptegen eline taralyp, búginge deıin 70 myńnan astam adamnyń janyn jalmap ketti. Sońǵy derekterge qaraǵanda, dál qazir QHR atalǵan derttiń ekinshi tolqynyna dóp kelip otyr.

Degenmen, Qazaq eliniń dátke qýat eterligi, aty jaman dert­tiń kórshi elderde dyńǵyry shyǵa bastaǵan kúnnen bastap Prezı­dent Q.Toqaev saqtyq sharalaryn kúsheıtý jumystaryna basa mán berip, bılik butaqtary men el turǵyndaryna dabyl qaǵyp, qaterli dertpen kúresýdiń daıyn­dyq jumysyna erte bas­tan kiristi. Atap aıtqanda, vırýs osha­ǵy bolǵan QHR-men shekara aq­pan aıynyń basynda-aq jabyl­dy. Saqtaný, aldyn alý, emdeý isteriniń daıyndyǵy kún ilgeri jasaldy. Azyq-túliktiń, dári-dár­mektiń jetkilikti qory jasaq­talýmen birge, emhanalarymyzdan myńdaǵan oryn ázirlendi. Medısına, densaýlyq saqtaý salasy men quqyq qorǵaý organdarynyń qyzmetkerleri aldyn ala ázirlik jumystaryna kirisip ketti. Osynyń arqasynda naýryz aıynyń ortasyna deıin Qazaqstan jer betindegi «jasyl aımaq – jumaq meken» bolyp keldi. Alaıda bizdiń elimiz de jerdiń betin ózge jurtpen birge ortaq mekendep otyrǵandyqtan, qalaı saqtansa da mańaıynda qaýlap órip, saýlap tógilip jatqan, tez taralatyn, jyldam juǵatyn dertten aýlaq bola almady. Aty jaman dert aqyry qazaq jerine de keldi. Prezıdent Jarlyǵymen elde karantın jarııa­landy. Nur-Sultan men Almaty, Shymkent qalalary oqshaýlandy. Sonymen birge Memleket basshysy Q.Toqaev telearna arqyly tutas el hal­qyna qaıta-qaıta úndeý jarııalap, jalpy halyqtan jáne úkimetten saqtyq sharalaryn bosańsytpaýdy talap etti.

О́kinishke qaraı bul máse­lege bizdiń kóptegen otandasy­myzdyń áli de bolsa jetkilikti mán bermeı otyrǵanyn nesin jasy­raıyq. Adam shyǵyny kóp bol­ǵan Qytaı, Ońtústik Koreıa, Ita­lııa, Iran, AQSh, t.b. elderdiń jaǵdaıyna nazar aýdarsaq, bul el­derdiń o basta atalǵan dertke basa mán bermegenin, keri­sinshe, tym júrdim-bardym, óte beıjaı qaraǵanyn ańǵarý qıyn emes. Sondyqtan, qadirli aǵaıyn­dar, elimiz ben jerimizdiń taǵdy­ry úshin, siz ben bizdiń jáne urpa­ǵy­ńyzdyń amandyq-saýlyǵy úshin el basshylary jan ushyryp, shyr-pyr bolyp jatqanda, nemkettilikpen júr­gen­derdiki sypaıylap aıtqanda sanasyzdyq, túptep kelgende qyl­mys! Keıbir elderde ondaı tártip buzýshylar óte aýyr qylmystyq jaýapkershilikke tartylýda.

Sondyqtan ult basyna osyndaı qıyn synaq túsip turǵanda ózi­miz saılaǵan memleket basshy­sy­nyń ýáji men talabyna qulaq asyp, tártipke sanaly túrde boı­usynyp, bir jaǵadan bas, bir jeńnen qol shyǵaryp, dert-der­bezdi aman-esen eńserýdi oılaıyq, aǵaıyn!

Aqyn Sabyr Adaı «Ár qazaq meniń jalǵyzym» dep jyr­la­ǵandaı, at tóbelindeı ǵana, bir shókim jurtpyz! Balshyqtan qazaq jasaı almaı dilgir bolyp otyrǵan az-aq halyqpyz!

Osyndaıda birimizge-birimiz kó­mek­tesip, birimizge-birimiz jan­kúıer bolyp, judyryqtaı jumy­lyp qıyndyqpen birge kúreseıik baýyrlar! Kúrestiń eń tıimdi ári tóte joly – úıden shyqpaý!

Áýletimizdiń, otbasymyzdyń, urpaǵymyzdyń, ata-anamyzdyń, ózimizdiń – el-jurtymyzdyń aman­­dyq-saýlyǵy úshin, tártipke sa­na­ly baǵynyp, úıde otyraıyq baýyrlar!

Qudaı da «saqtansań-saq­taıdy».

«Biz birgemiz! Biz úıdemiz!» degen sóz uranymyz bolsyn, aǵaıyn!

 

Dúken MÁSIMHANULY,

aqyn, aýdarmashy,

Qazaq­stan­nyń eńbek sińirgen qaıratkeri

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar