Úkimet • 07 Sáýir, 2020

Asqar Mamın 15 mln sharshy metr turǵyn úıdiń salynýyn qamtamasyz etýdi tapsyrdy

18 retkórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda «Nurly jer» memlekettik baǵdarlamasynyń iske asyrylý barysy qaraldy. Bul týraly Premer-Mınıstrdiń baspasóz qyzmeti habarlady.

Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev, Nur-Sultan qalasynyń ákimi Altaı Kólginov, Shymkent qalasynyń ákimi Murat Áıtenov jáne Batys Qazaqstan oblysynyń ákimi Ǵalı Esqalıev, sondaı-aq Premer-Mınıstrdiń orynbasary Roman Sklıar baıandama jasady.

Osy jyly «Nurly jer» baǵdarlamasy aıasynda 15 mln sharshy metr turǵyn úı salý josparlanǵan. Halyqtyń áleýmettik jaǵynan osal toptary, az qamtylǵandar men jastar, bıýdjettik uıymdardyń qyzmetkerleri qatarynan 32 myńnan asa otbasy jalǵa beriletin jáne kredıttik páterlermen qamtamasyz etiledi.  

«Qarapaıym zattar ekonomıkasy» jeńildikti nesıeleý baǵdarlamasy aıasynda qazirgi kezde otandyq qurylys ındýstrııasy boıynsha 178 mlrd teńgeni quraıtyn 33 joba iske asyrylyp jatyr (shyny, armatýra, sanfaıans, keramıka taqtashalary, lak boıaýlaryn shyǵarý). Olardy iske qosý turǵyn úı qurylysynda  qazaqstandyq úlesti 95%-ǵa arttyrýǵa jáne 8 myńdaı jańa jumys ornyn qurýǵa múmkindik beredi.

«Qazirgi jaǵdaıdaǵy  Úkimettiń eń mańyzdy mindeti – qurylys qarqynyn ulǵaıtý, halyqty turǵyn úımen qamtý, jumys oryndaryn saqtaý jáne jańa jumys oryndaryn qurý.  Búginde qurylys salasynda shamamen 700 myń adam jumys isteıdi», — dep A. Mamın, qurylys salasynyń ekonomıkanyń negizgi draıverleriniń biri ekenin atap ótti. 

Premer-Mınıstr qurylys maýsymyn ýaqytynda bastaýdy, josparlanǵan turǵyn úı kólemin berýdi jáne bólingen qarajattyń tolyq ıgerilýin qamtamasyz etýdi tapsyrdy.

Úkimet basshysy ákimderge qurylystyń jedel qarqynyn qamtamasyz etýdi, qarjylandyrý josparlaryn túzetýdi jáne buǵan deıin málimdelgen merzimderdi qaıta qaraýdy, sondaı-aq qurylystyń málimdelgen kólemi boıynsha barlyq jobalyq qujattamany ázirleýdi aıaqtaýdy tapsyrdy. 

A. Mamın Indýstrııa jáne ınfraqurylymdyq damý mınıstrligine «Atameken» UKP-men birlesip «Qarapaıym zattar ekonomıkasy» baǵdarlamasy aıasynda júzege asyrylyp jatqan qurylys ındýstrııasy jobalarynyń ýaqytyly engizilýin qamtamasyz etýdi jáne otandyq jańa óndiristerdi qurý jumysyn jandandyrýdy tapsyrdy.

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar