Aımaqtar • 07 Sáýir, 2020

Tótenshe jaǵdaı: Kásipkerlerdiń kúıi neshik?

80 retkórsetildi

Elimizde tótenshe jaǵdaı jarııalanǵaly aıǵa jýyqtap qaldy. Infeksııanyń órshýinen birqatar aımaqta karantın jarııalanyp, shekteýler kúsheıdi. Solardyń qatarynda Qyzylorda qalasy da da bar. Jan-jaqpen barys-kelis tyıylyp, alys-beris azaıyp turǵan osy mezette aımaq kásipkerleri qandaı kúı keship jatyr?

Oblystyq kásipkerlik palatasynyń baspasóz qyzmeti bizdiń bul saýalymyzǵa birden jaýap qatty. Palatada kún saıyn monıtorıng jasalyp, salanyń jaı-kúıi udaıy baqylanyp otyrady. Bular da qashyqtyqtan jumys isteý tártibine kóshken. Biraq, iskerlerge qoldaý kórsetý, daǵdarys zardaptaryn boldyrmaý úshin memleket tarapynan atqarylyp jatqan jumystardy nasıhattaý bir sát te úzilgen emes.

Tótenshe jaǵdaı bastalǵaly beri teńgeniń qunsyzdanýy men ınfeksııanyń órshýine baılanysty jasalyp jatqan shekteýden jumysy kidirgen 233 kásip ıesi habarlasypty. Qazir osylardyń 52-si oń sheshim tapty. Qalǵandary boıynsha da jumystar jasalýda.

Sheshilgen sharýalardyń qatarynda «Súıenish Saǵı Qomshabaı» JK men «Abzal jáne K» kompanııasynyń ótinishterin aıtýǵa bolady. Alǵashqysy nesıeniń úshinshi transhyn alý jaıly habarlassa,  «Abzal jáne K» seriktestigi Reseı Federasııasynan satyp alǵan aýylsharýashylyǵy tehnıkasyn jetkizý jóninde kómek suraǵan.

Kásip ıelerine tótenshe jaǵdaıǵa baılanysty nesıeniń negizgi qaryzy men syıaqy mólsherlemesin shegerý múmkindigi jaıly túsindirme jasaldy. Osy baǵytta túrli qarjy uıymdary men ekinshi deńgeıli bankterge 664 kásipker habarlasqan. Qazir olardyń 553-iniń ótinishi qanaǵattandyryldy.  

Palata ókilderi saýaldama ótkizip, oǵan shaǵyn jáne orta kásipkerlik salasyndaǵy 301 kásiporynda jumys isteıtin 9219 adam qatysty. Saýaldama oblysta osy saladaǵy 1415 adam aqysyz eńbek demalysyna shyqqandyǵyn, 48 jumys ornynyń qysqaryp ketkendigin anyqtady.

Saýda oryndary men bazarlardy jalǵa alyp otyrǵan kásipkerler úshin jaldaý aqysyn arzandatý osy qıyn kezeńde úlken kómek bolmaq. Osy baǵytta palata men jergilikti bılik ókilderi birigip, kásipkerlermen kezdesýler ótkizdi. Onyń nátıjesinde «Sybaǵa» JShS basshylyǵy «Qorqyt» saýda úıiniń jaldyq aqysyn 50 paıyzǵa qysqartsa, «Jibek joly» kesheni kásipkerlerden jaldaý qunyn alýdy ýaqytsha toqtatty.

Palataǵa habarlasyp, qazirgi qalyptasqan jaǵdaıǵa baılanysty elge kómektesýge daıyn ekenin bildirip jatqan kásipkerler de bar. Mysaly, óńirge belgili isker azamat Qaırat Boranbaev  óziniń ıeligindegi «Qyzylorda»  qonaq úıin ýaqytsha medısınalyq nysan retinde tegin berýge bel baılapty. Kúrish ósiretin «Abaı Dáýlet» JShS basshysy, bıznesmen Murat Sársenbaev ta palata basshylyǵyna osyndaı usynys  aıtyp otyr. Bul azamattardyń bastamasyn qoldap jatqan kásip ıeleri az emes.

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar