Aımaqtar • 07 Sáýir, 2020

Almatyda eń kerekti azyq-túlik túrleriniń shekti baǵasy bekitildi

36 retkórsetildi

Almatyda áleýmettik mańyzy bar azyq-túlik taýarlarynyń shekti baǵasy bekitilgeni týraly Almaty qalasy ákimdiginiń baspasóz ortalyǵynda ótken brıfıngte Almaty qalasy Kásipkerlik jáne ınvestısııalar basqarmasynyń basshysy Erkebulan Orazalın málimdedi.

– Bizde 64 túrli azyq-túlik ónimderi bar, onyń 19-y áleýmettik mańyzy bar taǵam túrlerine jatady. Sonyń ishindegi 9 túrli azyq-túlik ónimine shekti baǵalar qoıylyp otyr.

Atap aıtar bolsam, birinshi sortty bıdaı uny – 211 tg/kg, birinshi sortty unnan jasalǵan bıdaı nany (pishindi) – 80-teńgege deıin, rojkı (ólshenip salynatyn) – 209 tg/kg, qaraqumyq jarmasy – 339 tg/kg, kúrish – 310 tg/kg, sıyr eti (súıekti jaýyryn-tós bóligi) – 2169 tg/kg, taýyq jumyrtqasy (I sanatty) – 367 tg/10 danasy, kúnbaǵys maıy – 434 tg/lıtr jáne as tuzyna – 59 teńge dep baǵa qoıylǵan.

Aıta ketý kerek, Ony Saýda jáne ıntegrasııa, Aýyl sharýashylyǵy jáne Ulttyq ekonomıka mınıstrlikteri elimizdegi tótenshe jaǵdaı kezinde «Áleýmettik mańyzy bar azyq-túlik taýarlaryna shekti bólshek saýda baǵasyn engizý týraly» birlesken buıryqqa qol qoıý arqyly júzege asyryp otyr», –dedi E.Orazalın.

Spıkerdiń aıtýynsha, joǵaryda atalǵan taýar túrleri sońǵy aıda qazaqstandyqtardyń azyq-túlik taýarlaryna degen suranysyn taldaý nátıjesinde anyqtalǵan. Iаǵnı, osy taýar túrleri kóp satylǵandyqtan da, jyl basynan bastap bulardyń baǵasy ósken. Degenmen, endi joǵaryda atalǵan taýarlardyń baǵasyn ósirgender anyqtalsa, olarǵa 265 100 teńgeden 530 200 teńgege deıin aıyppul túrinde jaza belgilenedi.

«Qazirgi ýaqytta Almaty qalasynyń aýdandyq ákimdikterinde kún saıyn saýda núktelerin aralap shyǵatyn komıssııalar men mobıldik toptar quryldy. Biz iri saýda nysandaryn aralap, olarǵa shekti baǵa belgilengen 9 ónim boıynsha baǵanyń turaqty bolýyna eskertý jasadyq. Eger negizsiz baǵanyń óskenin baıqap, qandaı da bir tártip buzýshylyq anyqtalatyn bolsa, mobıldi top baıanat (raport) jazyp, foto jáne beıne-esep jasaıdy. Sodan keıin bul materıaldar komıssııanyń qaraýyna jiberiletin bolady. Zań buzýshylyq oryn alsa eki túrli baǵytta jazalanýy múmkin, birinshisi, 100 AEK mólsherinde ákimshilik aıyppul tóleıdi, ekinshisi, bul bereshekti bir apta jáne jazbasha kelisim ishinde ótegen jaǵdaıda aıyppuldy 50 AEK-ke deıin qysqartýǵa múmkindik beredi. Áıtpese, qaýly sotqa jiberiledi», – dep atap ótti spıker.

«Almaty qalasy boıynsha barlyq 9 ataý boıynsha iri bazardan bastap úıdiń janyndaǵy dúkenderge deıin satýshylarǵa joǵaryda kórsetilgen tarıfterden baǵany asyrýǵa ruqsat berilmeıdi. Sebebi, qalamyzdaǵy barlyq dúkenderde azyq-túlik jetkilikti mólsherde. Sondyqtan, bizde azyq-túlikke degen tapshylyq joq», – dedi Erkebulan Orazalın.

Sonymen Almatyda áleýmettik mańyzy bar taýarlardyń shekti bólshek baǵalary:

birinshi sortty bıdaı uny, 1 kg – 211 teńge;


birinshi surypty bıdaı unynan pisirilgen bólke nan, 1 kg – 146 teńge;


rojkı (ólshenip salynǵan), 1 kg – 209 teńge;


qaraqumyq jarmasy (ıadrısa, tarazy), 1 kg – 339 teńge;


kúrish, 1 kg – 310 teńge;


sıyr eti ( súıekteri bar jaýyryn-keýde bóligi), 1 kg – 2169 teńge;


taýyq jumyrtqasy (I sanat) 10 danasy – 367 teńge;


kúnbaǵys maıy, 1 kg – 434;


as tuzy («Ekstradan» basqa), 1 kg – 59 teńge bolyp bekitildi.


Sonymen qatar áleýmettik mańyzy bar taýarlardyń shekti baǵalary karantın kezeńinde engizilgeni ataldy.

Sońǵy jańalyqtar

66 paıyzy er-azamattar...

Medısına • Búgin, 07:13

Kúngeı men kóleńke

Rýhanııat • Búgin, 07:05

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Uqsas jańalyqtar