Aımaqtar • 07 Sáýir, 2020

Almatyda áskerge barýǵa óz erkimen kelisken 300-ge jýyq adam bar

26 retkórsetildi

Qala ákimdiginiń baspasóz ortalyǵynda Almaty qalasy Qorǵanys isteri jónindegi departamentiniń basshysy Amantaı О́serbaev áskerı mindettilerdi arnaıy jıyndarǵa shaqyrý máseleleri jóninde onlaın-brıfıngke qatysyp, BAQ ókilderiniń suraqtaryna jaýap berdi.

«Almatyda áskerge barýǵa óz erkimen kelisken 300-ge jýyq erikti tótenshe jaǵdaıǵa kómektesýge daıyn ekendikterin bildirdi. Sonyń ishinen ásker qataryna 200-deı azamat iriktelip alynady. Áskerı boryshyn óteý merzimi bir aı. Ázirge osy jumystar boıynsha Almaty qalasy ákiminiń arnaıy úkimin kútip otyrmyz. Osy úkimge baılanysty ásker qataryna shaqyrylatyndardyń naqty sany men merzimi belgili bolady», – dedi Amantaı О́serbaev.

Almatyda áskerı esepte turǵan jáne densaýlyǵy jaramdy dep tanylǵan azamattardy arnaıy jıyndarǵa shaqyrý shamamen 1 aıǵa sozylady. Sondaı-aq azamattar áskerge turǵylyqty meken-jaıy boıynsha shaqyrylady. Olar áskerı mindetin atqarǵan soń kún saıyn úıine jiberilip otyrady eken.

Brıfıngte spıker arnaıy jıyndarǵa shaqyrylǵan azamattardyń eńbekaqysyna da toqtaldy.

«Arnaıy jıyndar kezinde áskerı qyzmetke mindetti azamattardyń jumys orny jáne atqarǵan laýazymy saqtalady. Eger adam jumys istemese, onda jalaqynyń tómengi mólsheri – 42 500 tg bolady», – dedi departament basshysy.

Sonymen qatar, departament basshysy qalanyń ár aýdanynda ornalasqan Qorǵanys isi jónindegi departament bólimsheleri áskerı qyzmetke kelýshilerdi jasaqtaýǵa jáne olardy medısınalyq tekserýden ótkizýge tolyq daıyn ekendigin de jetkizdi.

Aıta ketý kerek, áskerı qyzmetke shaqyrylǵanda densaýlyǵy nashar, otbasy jaǵdaıy aýyr, balalary bar jáne taǵy basqa faktorlardy áskerı komıssarıat eskeretin bolady.

«Zań boıynsha 60 jasqa deıingi ofıserler, 50 jasqa deıingi áskerıler, serjanttar áskerı boryshyn óteýge mindetti. Al ásker qataryna áıel azamattar shaqyrylmaıdy. Tipti, ol áıel azamattyń óz erki bolsa, bul zańda qarastyrylmaǵan», – dedi spıker.

Esterińizge sala keteıik, ótken aptada Memleket basshysy Qasym-Jomart Toqaev QR Qarýly Kúshteriniń aýmaqtyq áskerlerin jasaqtaý úshin «Áskerı mindettilerdi arnaıy jıyndarǵa shaqyrý týraly» №296 Jarlyqqa qol qoıǵan bolatyn.

Sońǵy jańalyqtar

Abaı álemin beınelegen arýlar

Abaı • Búgin, 07:22

Munaıshylar áýletiniń tuńǵyshy

Tanym • Búgin, 07:16

66 paıyzy er-azamattar...

Medısına • Búgin, 07:13

Kúngeı men kóleńke

Rýhanııat • Búgin, 07:05

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Eń tabysty tennısshi

Tennıs • Búgin, 06:35

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Uqsas jańalyqtar