Qazaqstan • 07 Sáýir, 2020

«Qazaqfılm» kınostýdııasy karantın kezinde fılmder aptalyǵyn usynady

29 retkórsetildi

«Qazaqfılm» kınostýdııasy karantın kezinde qazaqstandyqtar úshin qyzyqty ári qaýipsiz demalys uıymdastyrý maqsatynda Mádenıet jáne sport mınıstrliginiń tapsyrysymen túsirilgen fılmderdi #bizbirgemiz naýqany aıasynda otandyq telearnalarǵa usynyp otyr.

Osy oraıda «Qazaqfılm» týyndylaryn respýblıkalyq «KTK», «Habar» jáne «Qazaqstan» telearnalary arqyly praım-taım ýaqytynda kórýge bolady. Kınostýdııanyń baspasóz derekterinde fılmderdi kórý ýaqyty da kórsetilgen. Mysaly, «KTK» arnasy demalys kúnderi saǵat 16:30 kórermenderge otandyq fılmderdi kórýge múmkindik jasap, «Úı kınoseansy» jobasyn bastady. Joba 28 naýryz kúni áıgili «Aıka» fılminiń kórsetiliminen bastalyp,  demalys kúnderi «Qazaqfılmniń» «16 qyz», «Jańǵaq tal», «Ustaz» jáne «Lıkvıdator» syndy fılmderin kórsetýdi josparlap otyr.

Joba aıasynda kórermenderge bedeldi festıvalderde júldeli bolǵan fılmder: Emır Baıǵazınnyń alǵashqy jumysy, qazaqstandyqtar arasynda tuńǵysh «Kúmis aıý» júldesin jáne 63-i Berlın kınofestıvalinde Morgenpost gazetiniń syılyǵyn alǵan «Aslannyń sabaqtary»; 75-i Venesııa kınofestıvalinde «Úzdik rejısser» nomınasııasyn jeńip alǵan «О́zen»; 41-shi Máskeý halyqaralyq kınofestıvalinde Gran-prı («Altyn Georgıı» syılyǵy) jáne XV Halyqaralyq «Eýrazııa» kınofestıvalinde Gran-prı alǵan Farhat Sharıpovtyń «Tulǵalyq ósý trenıngi» fılmderi kórermenge jol tartady.

«Qazaqstan» Ulttyq arnasy kórermenderge «Jeruıyq», Tomırıs»,  «Jaýjúrek myń bala», «Anaǵa aparar jol», «Shyraqshy/Hranıtel», «Talan», «16 qyz» (2 bólim), «Aıka», «Kompozıtor», «Qazaq handyǵy. Altyn taq» kórkem fılmderin, «Muzbalaq», «Kúltegin», «Er Tóstik jáne Aıdahar» anımasııalyq fılmderin kórsetedi.

«Habar» jáne «El arna» telearnalary bıyl «Qazaqfılmniń» júzdegen kórkem, derekti jáne anımasııalyq fılmderin kórsetýdi josparlap otyr. 5 sáýirde bastalǵan «Otandyq fılmder onkúndigi» jobasynyń aıasynda «Habar» telearnasynyń kórermenderi «16 qyz», «Qyzǵylt qoıan týraly ertegi», «Anaǵa aparar jol», «Shal», «Kenje», «Tomırıs» jáne «Shyraqshy» fılmderin kóre alady.

Sonymen qatar «Qazaqfılmniń» ákimshiligi kınostýdııanyń resmı Youtube-arnasynyń (https://www.youtube.com/user/kazakhfilmstudios) fılmotekasyn belsendi tolyqtyryp jatqandaryn aıta ketken jón.

Dál kázir, kez-kelgen yńǵaıly ýaqytta ınternet qoldanýshylary qazaq kınosynyń altyn qoryna engen jáne Sháken Aımanovtyń týyndylaryn, sondaı-aq «Qazaqfılmniń» anımasııalyq fılmderin kóre alady.

 

ALMATY

Sońǵy jańalyqtar

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Prezıdent Ahmetjan Esimovti qabyldady

Prezıdent • Búgin, 11:14

Atyraý: Úsh aptada 17 bala joǵaldy

Aımaqtar • Búgin, 11:06

Uqsas jańalyqtar