«Qozǵalystyń shektelýine baılanysty buryn poshta bólimshesine zeınetaqy alýǵa keletin zeınetkerlerge sáýir aıynyń zeınetaqylaryn úılerine jetkizýdemiz. Qalǵandaryna tólem kartasyn ashyp, aqshalaryn sol kartaǵa aýdaryp, kartalaryn úılerine jetkizip jatyrmyz»,- dedi Sáken Sársenov.
Basqarma tóraǵasynyń aıtýynsha, Nur-Sultan men Almatyda bólimsheler sany qysqartyldy, memlekettik qyzmetterdi resimdeý jáne zeınetaqy men járdemaqy berý jumystary jalǵasýda. Poshtashylar hat-habarlardy kún saıyn qajetti jerine deıin jetkizip júr. Bólimshelerge kelýshiler sanyn qysqartý maqsatynda zeınetaqy úıge jetkizilýde. Qazirgi tańda 389 572 myń zeınetaqy tıisti alýshylarǵa jetkizilgen.
«Eńbek jáne halyqty áleýmettik qorǵaý mınıstrligimen birge 1-15 sáýir aralyǵynda zeınetaqyny úıge jetkizý kestesin bekittik. Sol keste boıynsha búgingi kúni 389 572 zeınetkerdiń úıine zeınetaqylaryn jetkizip, 6 myńǵa jýyq zeınetkerdi tólem kartalaryna kóshirdik. Zeınetke shyqqan klıentterimizdiń qatarynda karantın bitken soń zeınetaqylaryn bólimshege kelip alǵylary keletinder de bar. Biz olarmen únemi baılanysta bolamyz»,- dedi Sáken Sársenov.
