29 jastaǵy Batys Qazaqstan oblysynyń týmasy bendıden ótken talaı baıraqty básekede mol oljaǵa kenelgenin jankúıerler jaqsy biledi. Kezinde Oraldyń «Aq Jaıyq», Krasnogorskiniń «Zorkıı-2», Tómengi Novgorodtyń «Start» jáne Berýmnyń «Hevık» klýbtarynda jasyndaı jarqyraǵan Nuǵymanov elimizdiń ulttyq quramasy sapynda eki ret álem chempıonatynyń qola júldegeri jáne Azııa oıyndarynyń jeńimpazy atandy.
Bul kúnderi qazaq jigiti Norvegııanyń «Redı» klýbynyń namysyn qorǵaýda. Bul komanda aıtýly birinshiliktiń bıylǵy maýsymynda bas júldeni oljalasa, qandasymyz eń úzdik oıynshyǵa tıesli syılyqty ıelendi.
Taǵy bir aıta keterligi, Eskendirdiń ákesi de kezinde myqty bendıshi boldy. Sporttyq mansabyn Oraldyń «Geologynda» bastaǵan 57 jastaǵy Sáken Nuǵymanov sekseninshi jyldarySankt-Peterbýrgtiń «Krasnaıa Zarıasy» men Almatynyń «Dınamosynda» óner kórsetti. Elimizdiń táýelsizdik alǵannan keıin Qazaqstan quramasy sapynda álem chempıonattaryna qatysty. Keıinnen bapkerliktiń qamytyn kıdi.
