Qıyn kezde jurtqa járdem berýdi azamattyq paryzy sanaǵan kásipker «Biz birgemiz» aksııasy aıasynda Túrkistan oblysynyń Jetisaı, Shardara, Tólebı aýdandarynda óz mamandarymen birge aqysyz qyzmet kórsetýde.
«Tóle bı men Jetisaı aýdandaryndaǵy blok-beketterde táýlik boıy kezekshilikte turǵan mamandardy tegin úsh mezgil ystyq tamaqpen qamtamasyz etip otyrmyz. Jetisaıda 30-ǵa jýyq blok-beket mamandary, Tóle bı aýdanynda aralyǵy 25 shaqyrym bolatyn 5 blok-bekette 60-qa shaqty maman bar. Qajetti shyǵyndardy, azyq-túlikterdi, kólikter men janarmaıdy, jumysshylardyń jeke saqtaný kerek-jaraǵyn, antıseptıkterdi óz tarapymyzdan aldyq. Eki saǵattyq qashyqtyqtaǵy blok-beketterge tamaq arnaıy termobokstarmen ystyqtaı kúıinde jetkizilýde. Budan bólek, Shardarada medısına qyzmetkerlerin jergilikti demeýshiler alyp kelgen azyq-túlik esebinen ashana blogyn uıymdastyryp, úsh mezgil ystyq tamaqpen qamtýdamyz. Osyndaı elge aýyrtpashylyq túsken kezde el azamattary aıanbaı járdem berýi kerek dep oılaımyn», deıdi kásipker.
Túrkistan oblysy
